93 წლის რობერტი და 88 წლის ენი ივნისში დაქორწინდნენ. ეს ყველაფერი კი გაცნობის აპლიკაციის დამსახურებაა, რომელმაც ისინი ერთმანეთს 2019 წელს ერთმანეთს შეახვედრა. მარშალის თქმით, ენი ერთი ნახვით შეუყვარდა.

"ყოველთვის ვგრძნობდი, რომ ენზე დაქორწინება მინდოდა. როგორც კი მისი ფოტო დავინახე, ვიცოდი, რომ ეს ის ქალი იყო, რომელთან ერთადაც ცხოვრების გატარება მინდოდა. მისმა ფოტომ დამატყვევა", — იხსენებს რობერტი.

"ვფიქრობ, ასაკოვანი ადამიანები, რომლებმაც პარტნიორი დაკარგეს, თვლიან, რომ ეს დასასრულია — 50 ან 60 წლის განმავლობაში იყავი დაქორწინებული, ახლა 80 წელს გადააბიჯე, ბებია ხდები და წადი, შვილიშვილებს ეთამაშე. მაგრამ დღეს ადამიანები უფრო ჯანმრთელები არიან და დიდხანს ცხოვრობენ", — ამბობს ენი.

წყვილი პირველ პაემანზე ერთმანეთს ფრანგულ რესტორანში შეხვდა. შემდეგ კარიბის ზღვის კუნძულებზე დასასვენებლად წავიდნენ. მოგვიანებით, პანდემია და იზოლაციაც ერთად გაატარეს. ისინი დეკემბერში დაინიშნნენ, ივნისში კი იქორწინეს.

"ენთან ერთად ცხოვრება თავს ცოცხლად მაგრძნობინებს — ის დამეხმარა, ცხოვრებას დავბრუნებოდი. გვიხარია, რომ ერთმანეთი ვიპოვეთ", — განაცხადა რობერტმა.

"საუკეთესო ქორწილი იყო. მთელი ოთახი სიყვარულით იყო სავსე", — თქვა ენმა.

როგორც ჩანს, სიყვარულის პოვნა გვიან არასდროსაა.