HBO-ს ინფორმაციით, პედრო პასკალი და დევიდ ჰარბორი ახალ სერიალში, სახელად My Dentist’s Murder Trial (ჩემი სტომატოლოგის მკვლელობის სასამართლო პროცესი) ითამაშებენ. სერიალს საფუძვლად უდევს ჟურნალ New Yorker-ის სტატია, რომელშიც მოთხრობილია, თუ როგორ წაუყენეს ბრალი ერთ-ერთ ექიმს მისი მეგობრის მკვლელობაში.

პასკალიც და ჰარბორიც გარდა მთავარ როლებში მონაწილეობისა, სერიალის პროდიუსერებიც არიან. სერიალის რეჟისორი და სცენარისტი კი სტივ კონრადია. პედრო პასკალი ექიმის როლს შეასრულებს, თუმცა HBO-ს ჯერ არ დაუდასტურებია, თამაშობს თუ არა ჰარბორი მსხვერპლის როლს.

შეგახსენებთ, რომ დევიდ ჰარბორი მაყურებელმა ბოლო პერიოდში Stranger Things-ის მეოთხე სეზონში იხილა. რაც შეეხება პედრო პასკალს, მსახიობი ამ ეტაპზე ფილმში The Mandalorian მთავარ როლს თამაშობს, მანამდე კი მაყურებელმა ის Game of Thrones-სა და Narcos-ში იხილა.

ჯერჯერობით HBO-ს არ გამოუცხადებია, თუ როდის იხილავს მაყურებელი My Dentist's Murder Trial-ის პირველ ეპიზოდს.