GTA იმ თამაშების რიგს მიეკუთვნება, ქართულ შუა დღის შოუებში ხშირად რომ განიხილავენ და მის მავნებლობასა და ფსიქოლოგიურ გავლენებზე საეჭვო კვალიფიკაციის ფსიქოლოგებს ალაპარაკებენ. თამაში ცნობილია თავისი ძალადობრივი გარემოთი, რომელიც ბავშვებში დიდი პოპულარობით სარგებლობს, იმიტომ რომ, თავის მხრივ, ბავშვი გეიმერებიც არაკომპეტენტურები არიან და ამ შესანიშნავ თამაშში მისიებს არ ასრულებენ, ჩით-კოდები შეჰყავთ და უაზროდ ხოცავენ ხოლმე ვირტუალურ ხალხს.

თუმცა ფლორიდაში მცხოვრებ 11 წლის გეიმერს ამ თამაშისგან სულ სხვა სახის საფრთხე დაემუქრა.

GTA V-ის მეორადი დისკი მან და დედამისმა GameStop-ის ქსელის ერთ-ერთ მაღაზიაში შეიძინეს, ხოლო სახლში მისულებმა აღმოაჩინეს, რომ დისკის ინსტრუქციის წიგნში თეთრი ფხვნილით სავსე პარკი იდო. დედამ, ცხადია, პოლიციაში მაშინვე დარეკა და აღმოჩენილი საეჭვო ნივთიერების შესახებ აცნობა.

ექსპერტიზამ დაადასტურა, რომ აღნიშნული ნივთიერება 6 გრამი მეტამფეტამინი იყო.

ზუსტად მსგავსი ინციდენტი რამდენიმე თვის წინ GameStop-ის სხვა ლოკაციაზეც მოხდა. შეიძლება ვივარაუდოთ, რომ ვიღაც მოუოლტერუაითო ელემენტი GameStop-ის ლოკაციებს ნარკოტიკების გასასაღებლად იყენებს.