საფრანგეთის შინაგან საქმეთა სამინისტროს მონაცემებით, ამომრჩეველთა აქტივობა საღამოს ხუთი საათისთვის 65,3 პროცენტია. ძველ შედეგებთან შედარებით, აქტივობა დაბალია, რადგან 2012 წელს, იგი 71,96 პროცენტი, 2007 წელს კი 75,11 პროცენტი იყო. 23 აპრილის არჩევნების პირველ ტურში, ამომრჩეველთა აქტივობა ხუთი საათისთვის, 69,42 პროცენტს შეადგენდა.

საპრეზიდენტო არჩევნების მეორე ტურისთვის, საარჩევნო უბნები ადგილობრივი დროით დილის რვა საათზე გაიხსნა და საღამოს შვიდ საათზე დაიხურება, ზოგიერთ დიდ ქალაქში კი ხმის მიცემა რვა საათამდე გაგრძელდება, რა დროსაც გამოცხადდება ოფიციალური წინასწარი შედეგები.