კაილი ჯენერი Met Gala-ზე საქორწინო კაბითა და კეპით წარსდგა

წლევანდელ Met Gala-ს კაილი ჯენერი ტრადიციულად დაესწრო და მაყურებელს თავი ისევ დაამახსოვრა. ჯენერი, რომელიც წლების განმავლობაში ერთ-ერთი საუკეთესო ჩაცმულობით გამოირჩეოდა, წელს კრიტიკოსების ყურადღების ცენტრში ისევ მოექცა, ოღონდ მისთვის მაინცდამაინც სანაქებო სიტყვები არ გაუმეტებიათ.

ჯერ გავიხსენოთ მისი რამდენიმე ჩაცმულობა წინა წლების მეთ გალადან.

წლევანდელი Met Gala-ს თემა "მოდის ანთოლოგია ამერიკაში: 'მოოქრული ხანის' ბრწყინვალება" იყო, თუმცა კაილი ჯენერმა ეს ყველაფერი თავისებურად გაიგო და მაყურებლის შეფასებით, საქორწინო კაბაში გამოეწყო.ამაზე კი შემდეგ დეტალები მეტყველებს: ყვავილები, გიგანტური საყურეები და ქუდი, რომელიც საქორწინო ფატას მოგაგონებს.

მოოქრული ხანა ამერიკის ისტორიული პერიოდია 1870 წლიდან 1900 წლამდე და მეთ გალას საღამოს მთავარი დავალებაც სწორედ ამ ეპოქის სტილისა და სულისკვეთების გაცოცხლება იყო.

თუმცა, კაილი ჯენერს თუ დავაკვირდებით, ნიუ-იორკის ქუჩის სტილი უფრო შეიძლება გაგავახსენდეს, ვიდრე საუკუნეზე მეტი ხნის წინანდელი მოდა.

დაათვალიერეთ ფოტოები და შედეგი თავად შეაფასეთ.