ამერიკელი მსახიობი შეილინ ვუდლი მაყურებელმა ემი ჯორგენსის სერიალითა და ალექსანდრა კინგის როლის შესრულებით გაიცნო, საერთაშორისო აღიარება კი ჰეზელ გრეის ლანკასტერის როლით მიიღო, ფილმში ბედის ვარსკვლავის ბრალია. ამბობს, რომ სანამ ჰეიზელის როლს შეასრულებდა, მანამდე მის კარიერაში ყველაზე დიდი გარდატეხა ბეატრის პრაიორის როლმა მოახდინა, რადგან სწორედ ამ პერსონაჟმა მისცა მიმართულება.

"რადგან კალიფორნიაში დავიბადე ყველას ჰგონია რომ ჩემთვის კინოსამყაროში მოხვედრა უფრო მარტივი იყო, მაგრამ დამიჯერეთ ეს ასე არ არის. გიწევს უამრავი ფაზის გავლა, მათ შორის ისეთებისაც, რომლებიც გულს გტკენენ და განადგურებენ. ასე იყო 2014 წელს, როდესაც ფილმში White Bird in a Blizzard კონორის როლი შევასრულე, მანამდე ჩემს ცხოვრებაში უამრავი ცუდი რამ მოხდა. მათ შორის ჭორები, არასასურველი ხმები ჩემს გარშემო და მრავალი სხვა. სწორედ ამ პერიოდში დამიკავშირდნენ დივერგენტიდან და მთავარი როლი შემომთავაზეს, უარის თქმას ვაპირებდი, მაგრამ სცენარმა მიმახვედრა, რომ ისევე როგორც ფილმშია, მეც უფრო ძლიერი უნდა ვყოფილიყავი, არ მომესმინა არასასურველი ხმებისთვის და დამეიგნორებინა. ყველაფერ ამაში კი ქეით უინსლეტი დამეხმარა, რომელმაც მასწავლა, როგორ ვყოფილიყავი ძლიერი იმ სიტუაციებში, როცა ამას ვერ ვახერხებდი. დღემდე მადლობელი ვარ მისი", - ამბობს ვუდლი.

შეგახსენებთ, რომ 30 აპრილს ტელეკომპანია GDS დივერგენტის სამ სერიას შემოგთავაზებთ:

  • 15:00 დივერგენტი
  • 17:30 დივერგენტი: მეამბოხე
  • 19:30 დივერგენტი: ერთგული ნაწილი 1