პრეზიდენტმა ვოლოდიმირ ზელენსკიმ ბოლო კვირებში უკრაინას დატეხილი გასაჭირისას გამოჩენილი სიმამაცითა და პოლიტიკური ქარიზმით მთელ მსოფლიოში უამრავი ადამიანის სიყვარული და პატივისცემა დაიმსახურა.

მას შემდეგ, რაც 24 თებერვალს უკრაინაში რუსეთის ჯარი შეიჭრა და ამ ორ სახელმწიფოს შორის ფართომასშტაბიანი ომი დღემდე მიმდინარეობს, ვოლოდიმირ ზელენსკი სოციალურ მედიაში ჩართვებით მუდმივად აწვდის ინფორმაციას ყველა დაინტერესებულ პირს. ამ პერიოდში უკრაინის პრეზიდენტი ნაკლებად ოფიციალურად გამოიყურება ხოლმე: მისი ჩაცმულობაც უფრო სამხედრო მდგომარეობისთვის შესაფერისია.

როგორც წესი, მოდით სწორედ საფრანგეთია ცნობილი, თუმცა, როგორც ჩანს, ვოლოდიმირ ზელენსკით საფრანგეთის ლიდერიც კი მოიხიბლა: კვირას, 13 მარტს, ემანუელ მაკრონმა პარიზში, ელისეს სასახლეში, სამუშაო შეხვედრა გამართა, რა დროსაც ის არაფორმალურ სამოსში იყო გამოწყობილი: დიდი ზომის ჰუდითა და ჯინსის შარვლით.

ამის გამო ბევრს ასოციაცია სწორედ უკრაინის პრეზიდენტზე გაუჩნდა და ვარაუდიც გამოთქვეს, რომ მაკრონი ზელენსკის ჰბაძავს.

ყველასთვის ცნობილია, რომ ემანუელ მაკრონს მუდმივად ფორმალური სამოსი — კლასიკური პიჯაკი და შარვალი აცვია. ასევე, როგორც მაღალი თანამდებობის სახელმწიფო პირის ეტიკეტი მოითხოვს, წვერიც მუდამ სუფთად გაპარსული აქვს.

ახალი ფოტოებში კი, რომლებიც მისმა პირადმა ფოტოგრაფმა ინსტაგრამზე გაავრცელა, სრულიად რადიკალურად გამოიყურება, რის გამოც სწორედ ზელენსკის შეადარეს.

ზოგიერთის აზრით, მაკრონი უკრაინის პრეზიდენტის მიმიკების მიბაძვასაც კი ცდილობს.

თქვენ როგორ ფიქრობთ, საფრანგეთის პრეზიდენტმა მართლა უკრაინის ლიდერისგან გადმოიღო ეს სტილი?