როგორც ჩანს, ყოფილის ტანსაცმლისა და ნივთების დაზიანება უკვე წარსულში დარჩა, რადგან ბრიტანეთის ერთ-ერთი ზოოპარკი მომხმარებელს შურისძიების ახალ ხერხს სთავაზობს: ვალენტინობას ნებისმიერ მსურველს შეუძლია, რომ ტარაკანს ყოფილი შეყვარებულის სახელი დაარქვას.

ჰემსლეის კონსერვაციის ცენტრი, რომელშიც ტარაკნისთვის ყოფილის სახელის დარქმევაა შესაძლებელი, თხოვნებს მთელი მსოფლიოდან იღებს. ტარაკნისთვის ყოფილის სახელის დარქმევა 2 დოლარი ღირს და ამ თანხას ზოოპარკი სხვადასხვა პროექტისთვის გამოიყენებს.

ფოტო: Reuters

"თუ შეყვარებულს ცუდად დაშორდით, მაშინ ტარაკნისთვის მისი სახელი დარქმევა კარგი საშუალებაა, რომ სიტუაციას ხუმრობით შეხედოთ და ცოტა განიმუხტოთ", — ამბობს ზოოპარკის მენეჯერი.

"ყველა სახელს მივესალმებით და მიღებული ფულით ზოოპარკისთვის სასარგებლო პროექტებს განვახორციელებთ", — ნათქვამია ზოოპარკის წარმომდგენლის ოფიციალურ გაცხადებაში.

საინტერესოა ისიც, რომ ზოოპარკს პოლიტიკოსებიც ხშირად სტუმრობენ და ტარაკნებს მათი ოპონენტების სახელს არქმევენ.