ყველაზე დიდი NFT მარკეტის, OpenSea-ს თქმით, NFT ბაზრის 80% პლაგიატი და სპამია

OpenSea, ერთ-ერთი ყველაზე დიდი NFT მარკეტი აცხადებს, რომ მათი უფასო ხელსაწყოს დახმარებით შექმნილი და გაყიდული NFT-ების 80% სკამი, პლაგიატი ან სპამია.

რამდენიმე დღის წინ OpenSea-მ მომხმარებლებს განუცხადა, რომ NFT-ების შექმნა მათი ხელსაწყოს დახმარებით სრულად უფასო აღარ იქნებოდა და მის გამოყენებას მხოლოდ 50-ჯერ შევძლებდით, თუმცა კომპანიამ გაითვალისწინა მომხმარებელთა წუხილი და გადაწყვეტილებაა შეცვალა.

To all the creators in our community impacted by the 50 item limit we added to our free minting tool, we hear you and we're sorry.

We have reversed the decision.
But we also want to offer an explanation ↯ pic.twitter.com/Y3igaE1RM2
— OpenSea (@opensea) January 27, 2022

"ჩვენ ვიჩქარეთ გადაწყვეტილების მიღება. თითოეული გადაწყვეტილების მიღებისას ჩვენ აუცილებლად ვითვალისწინებთ ხელოვან ადამიანებს. თავდაპირველად, ჩვენ შევქმენით უფასო ხელსაწყო, თუმცა მისი ბოროტად გამოყენების ფაქტები ექსპონენტურად იზრდება. პლატფორმაზე განთავსებული პროდუქტის 80% პლაგიატი ან ფეიქ კოლექციებია", — ამბობს OpenSea.

ტვიტის კომენტარებში უხვად გამოჩნდნენ NFT ხელოვანები, რომელთა ნამუშევარიც მოიპარეს და გაყიდეს.

"ვიღაცამ OpenSea-ზე ჩემი ცრუ პროფილი შექმნა და ყველაფერი ჩემი ტვიტერის ანგარიშიდან გადმოიტანა. ახლა ისინი ჩემ ნამუშევრებს NFT-ებად ყიდიან. ეს მე ვარ! თუ დახმარება შეგიძლიათ, დაარეპორტეთ ეს ანგარიში", — წერს ერთ-ერთი მომხმარებელი, Holley ტვიტერზე

თუ სტატიაში განხილული თემა და ტექნოლოგიების სფერო შენთვის საინტერესოა, შემოგვიერთდი ჯგუფში, სადაც ვლაპარაკობთ ტექნოლოგიებზე.

ბოლო ამბები:

გირჩევთ