თუ გსურთ, რომ ტრენდს მიჰყვეთ და უახლესი გაჯეტები გქონდეთ, მაშინ გეტყვით, რომ 2022 წლის პირველი ფლაგმანური სმარტფონი რომლის შეძენასაც შეძლებთ, OnePlus 10 Pro იქნება.

სმარტფონის გამოსვლას დღეს, ოთხ იანვარს ველოდით, თუმცა OnePlus-მა გამოსვლის თარიღი მცირედით გადადო და დღეს სმარტფონის ტიზერი ვიხილეთ. გაყიდვაში მისი ჩაშვება 11 იანვრიდან იგეგმება.

OnePlus-მა სმარტფონის დეტალები არ გაგვანდო, თუმცა ცნობილია, რომ ის 6.7 ინჩიან Super AMOLED, მაღალი განახლების სიხშირისა და 1440p გარჩევადობის მქონე ეკრანს და Qualcomm-ის უახლეს Snapdragon 8 Gen 1 პროცესორს მიიღებს. ასევე უნდა ვთქვათ ისიც, რომ ეკრანი LTPO 2.0 ტექნოლოგიით დამზადდება, რაც კიდევ უფრო მეტად სასიამოვნო გამოსახულებას მოგვცემს.

OnePlus-ის მიერ გავრცელებული ფოტოებიდან დიზაინის შესახებ კარგი წარმოდგენა გვექმნება. როგორც ფოტოებზე ჩანს, სმარტფონი ოთხმაგი კამერის მოდულს მიიღებს, თუმცა მათი შესაძლებლობების შესახებ არაფერი ვიცით.

მიუხედავად ამისა, გავრცელებელი ინფორმაციით, სმარტფონი Snapdragon 8 Gen 1 პროცესორის შესაძლებლობებს მაქსიმალურად გამოიყენებს და ის დამუხტვას სადენის შემთხვევაში 80W-ით შეძლებს, უსადენოდ კი 50W-ით, ამასთანავე სავარაუდოა, რომ OnePlus 10 Pro-ს ოთხმაგი კამერიდან ერთ-ერთი, მთავარი კამერა 50 მეგაპიქსელიანი იქნება.