პრინცმა ჰარიმ და მეგან მარკლმა თავიანთი შვილის, ლილიბეთ "ლილი" დაიანას, პირველი ფოტო 2021 წლის საშობაო ბარათის სახით გაავრცელეს. საშობაო ბარათის ფოტოზე ვხედავთ, რომ პატარა ლილიბეთი მეგანს უჭირავს ხელში, ხოლო მათი ვაჟი მამას უზის კალთაში.

ფოტო: Alexi Lubomirski

"2021 წელს სამყარო ლილიბეთის დაბადებას მიესალმა. არჩიმ მამად და დედად გვაქცია, ხოლო ლილიბეთმა — ოჯახად", — ვკითხულობთ საშობაო ბარათის ტექსტში.

წყვილს ლილიბეთი 2021 წლის ივნისში შეეძინა და ბებიის პატივსაცემად ელისაბეთი დაარქვეს, თუმცა უმეტესად მეტსახელი "ლილით" მოიხსენიებენ.

საშობაო ბარათიდან ვიგებთ, რომ წყვილი რამდენიმე ორგანიზაციისთვის, "რომლებიც ოჯახებს პატივს სცემს და იცავს", თანხის გადარიცხვას აპირებს. ეს გულისხმობს იმ ადამიანების დახმარებას, რომლებსაც ახალშობილი ჰყავთ და ამის გამო მუშაობას ვერ ახერხებენ.