GJ 1132 b ანუ Gliese 1132 b 2015 წელს აღმოაჩინეს. პლანეტა მაშინვე ერთ-ერთ ყველაზე მნიშვნელოვან აღმოჩენად აღიარეს, რადგან ზომით და მასით ძალიან ჰგავს დედამიწას. ის წითელი ჯუჯა ვარსკვლავის Gliese 1132-ის გარშემო ბრუნავს. სისტემა ჩვენგან სულ რაღაც 39 სინათლის წელიწადითაა დაშორებული.

GJ 1132 b დედამიწაზე 20%-ით დიდია, მისი მასა 1,6-ჯერ მეტია, მისი ორბიტა თავისი ვარსკვლავის გარშემო 1,6 დღე გრძელდება, ხოლო დისტანცია მასსა და ვარსკვლავს შორის 1,4 მილიონი კილომეტრია. შედარებისთვის, დისტანცია მზესა და დედამიწას შორის 149,6 მილიონი კილომეტრია.

ფოტო: Wikipedia

სწორედ ამ პლანეტაზე აღმოაჩინეს ატმოსფერო, რაც პირველი შემთხვევაა, როცა მსგავსი რამ ეგზოპლანეტაზე დაფიქსირდა. მეცნიერები ვარაუდობენ, რომ პლანეტის ატმოსფერო წყლისგან ან მეთანისგან ან ორივეს ნაზავისგან შედგება. თუმცა ზედაპირის ტემპერატურა 370° ცელსიუსით, რაც სიცოცხლისთვის შეუსაბამოა, ამიტომ ამ პლანეტაზე სიცოცხლის არსებობა ნაკლებ სავარაუდოა.