კრიშტიანუ რონალდუ, რომელიც უკვე ოთხი შვილის მამაა, ინსტაგრამზე გამოქვეყნებული ფოტოთი გვატყობინებს, რომ ის და მისი პარტნიორი, ჯეორჯინა, ტყუპებს ელოდებიან.

მანჩესტერ იუნაიტედის ფეხბურთელმა ეს სიახლე ულტრაბგერით ფოტოსთან ერთად გაგვიზიარა.

"სიხარულით გაცნობებთ, რომ მალე ტყუპები შეგვეძინება. ჩვენი გული სავსეა სიყვარულით და მოუთმენლად ველოდებით მათთან შეხვედრას",— წერს რონალდუ.

წყვილს ამ ამბის გაგებამდეც დიდი და მხიარული ოჯახი ჰყავდა. კრიშტიანუსა და ჯეორჯინას უმცროსი ქალიშვილი ალიანა 2017 წელს დაიბადა. მათი უფროსი ვაჟი, სახელად კრიშტიანუ, უკვე 11 წლისაა. ევა მარია და მატეო კი 4 წლის ტყუპები არიან.

ფოტო: Instagram

აგვისტოში მანჩესტერ იუნაიტედმა გამოაცხადა, რომ იუვენტუსთან შეთანხმებას მიაღწია და რონალდუ ინგლისურ გუნდში დააბრუნა. ფეხბურთელი მანჩესტერ იუნაიტედში 2003-2009 წლებში თამაშობდა და ამ პერიოდში მან სამი ლიგის ტიტული და ერთი ჩემპიონთა ლიგა მოიგო.

ჯეორჯინა კი Netflix-ის რეალითი შოუს Soy Georgina-ს (მე ვარ ჯეორჯინა) ვარსკვლავია. "ჯეორჯინა როდრიგესი, რომელსაც ინსტაგრამზე უკვე 24 მილიონი გამომწერი ჰყავს, ერთდროულა არის მოდელი, დედა, სოციალური მედიის გავლენიანი სახე, მოცეკვავე და კრიშტიანუ რონალდუს ამჟამინდელი პარტნიორი. ეს რეალითი შოუ იმ ქალების ღრმა და ემოციურ პორტრეტს აღწერს, რომლებიც ჟურნალების ფოტოებისა და სათაურების უკან დგანან. ჩვენ უკეთ ვეცნობით მათ ყოველდღიურ ცხოვრებას, დედობას და ასევე ბედნიერ და წარუმატებელ მომენტებსაც", — ნათქვამია შოუს ოფიციალურ აღწერაში.

ეჭვგარეშეა, რომ მათი ოჯახი მალე ეს კიდევ უფრო დიდი და ბედნიერი იქნება.

ფოტო: Instagram

ასევე იხილეთ: