სამხრეთ აფრიკაში კორონავირუსის ახალი შტამი გამოავლინეს

სამხრეთ აფრიკელმა მეცნიერებმა განაცხადეს, რომ მათ გამოავლინეს კორონავირუსის ახალი ვარიანტი, რომელსაც შემაშფოთებლად ბევრი მუტაცია აქვს.

ახალ ვარიანტს C.1.2. უწოდეს და ის პირველად მაისში, სამხრეთ აფრიკის პროვინციებში — მპუმალანგასა და გაუტენგში აღმოაჩინეს, რის შემდეგაც ის აფრიკის, აზიისა და ევროპის კონტინენტებზე, სამხრეთ აფრიკის გარდა, შვიდ სხვა ქვეყანაშიც იქნა შემჩნეული. ეს ქვეყნებია — დიდი ბრიტანეთი, ჩინეთში, კონგოს დემოკრატიულ რესპუბლიკა, მავრიკიუსი, ახალი ზელანდია, პორტუგალია და შვეიცარია.

ვირუსის ეს მუტაციები "ასოცირებულია გაზრდილ გადამდებობასთან" და ასევე ვირუსის გაზრდილ უნართან, დაუსხლტეს ანტისხეულებს. "მნიშვნელოვანია გამოვყოთ ეს ხაზი, რომელიც წარმოდგენილია მუტაციების მრავალფეროვნებით", — ნათქვამია მეცნიერების განცხადებაში.

C.1.2. განვითარდა ვირუსის C.1. ვარიანტიდან, რომელიც დომინირებდა სამხრეთ აფრიკაში, ვირუსის პირველი ტალღის დროს, 2020 წლისთვის. ახალი შტამის შესახებ კვლევა კი სამხრეთ აფრიკელმა მეცნიერებმა გამოაქვეყნეს, პლატფორმაზე Krisp (KwaZulu-Natal Research Innovation and Sequencing Platform).

Evolution of the C.1 lineage in South Africa with multiple Spike mutations - pre-print at: https://t.co/kJ906bKfe6 - In this tweet thread, I highlight this lineage (assigned as C.1.2), the potential impact of the mutations, and the likelihood that this become a variant of concern
— Tulio de Oliveira (@Tuliodna) August 27, 2021

სამხრეთ აფრიკელმა მეცნიერებმა 2020-ში აღმოაჩინეს კორონავირუსის ბეტა ვარიანტიც, თუმცა, მეცნიერები ხაზს უსვამენ შემდეგ გარემოებას — ის, რომ ახალი შტამების გამოვლენა სამხრეთ აფრიკაში ხდება მიანიშნებს ქვეყნის პოტენციალზე, ვირუსის გენომის გაშიფვრის კუთხით და არ ნიშნავს იმას, რომ ეს შტამები სამხრეთ აფრიკაში წარმოიშვა.

ბოლო ამბები:

გირჩევთ