ქართველი მწერლის, ნანა ექვთიმიშვილის პირველი რომანი, მსხლების მინდორი, ევროპის რეკონსტრუქციისა და განვითარების ბანკის 2021 წლის ლიტერატურული პრემიის 3 ფინალისტს შორის მოხვდა. წიგნი პირველად 2015 წელს გამოსცა სულაკაურის გამომცემლობამ.

EBRD უკვე 4 წელია რაც ნათარგმნ ლიტერატურაში საუკეთესოს არჩევს და მათ აჯილდოებს. კონკურსში ევროპისა და აზიის 40 ქვეყნის მწერლები ერთვებიან. ყოველწლიურ დაჯილდოებაში ბანკი იმ ქვეყნებიდან გამოარჩევს ფავორიტ მწერალსა და ნაწარმოებს, სადაც ეს ორგანიზაცია მუშაობს.

წლევანდელი დაჯილდოებას სამი ფინალისტი ჰყავს, ესენი არიან:

  1. ნანა ექვთიმიშვილი: მსხლების მინდორი, საქართველო;
  2. შჩეპან ტვარდოხი: ვარშავის მეფე, პოლონეთი;
  3. მათეი ვიშნეკი: Mr K, რუმინეთი.

EBRD-ის დაჯილდოება 2017 წლიდან ტარდება. ლიტერატურული პრემიის ჯილდო 20 ათასი ევროა, გამარჯვებული კი 1-ლ ივნისს გახდება ცნობილი. ამ წიგნით ნანა ექვთიმიშვილი ბუკერის პრემიის 13 რჩეული ნაწარმოებშიც მოხვდა.

ნანა ექვთიმიშვილი წიგნში თავშესაფარში მცხოვრებ ბავშვებზე მოგვითხრობს, რომლებიც ერთ-ერთი ყველაზე დაუცველები და მარგინალებად შეფასებულები არიან ჩვენს ქვეყანაში. მათ სიცოცხლეზე არავინ დარდობს, ხოლო ქალებს, რომლებიც "დებილების სკოლაში" ხვდებიან, ურთულეს პირობებში უწევთ გადარჩენა.

ასევე იხილეთ: