ედრიენ ბროუდი HBO-ს ახალ სერიალში ლეგენდარული კალათბურთის მწვრთნელის, პეტ რაილის როლს შეასრულებს. დრამატული სერიალი 1980-იანი წლების ლოს ანჯელეს ლეიკერსის შესახებ იქნება.

ჯერჯერობით უსათაურო პროექტის გადაღება 2019 წლის დეკემბერში გადაწყდა. სერიალის სიუჟეტი ლოს ანჯელეს ლეიკერსის სპორტსმენთა პროფესიული და პირადი ცხოვრების ირგვლივ იტრიალებს.

ოსკაროსანი მსახიობის გარდა სერიალში ასევე ვიხილავთ ჯონ კ. რაილის, ჯეისონ კლარკს, ქუინსი ისაიას, სოლომონ ჰიუსს, გაბი ჰოფმანს და სხვებს.

შოუ ჯეფ პერლმანის დოკუმენტურ ნაწარმოებს — სანახაობის დრო: მეჯიქი, ქარიმი, რაილი და ლოს ანჯელეს ლეიკერსის 80-იანების დინასტია — მიხედვით იქნება. სერიალის სცენარის ავტორები მაქს ბორენსტეინი და ჯიმ ჰექტი არიან.