მას შემდეგ, რაც AstraZeneca ვაქცინით აცრილი ერთი ადამიანი ვაქცინაციიდან რამდენიმე დღის შემდეგ თრომბოემბოლიით მოკვდა, რამდენიმე ქვეყანამ მისი გამოყენება გარკვეული პერიოდით შეაჩერა. გუშინ, AstraZeneca-მ თავის განცხადებაში დაადასტურა, რომ აღნიშნული სამწუხარო ფაქტი ვაქცინას არ უკავშირდება.

კომპანიის განცხადების მიხედვით, ევროკავშირსა და გაერთიანებულ სამეფოში აღნიშნული ვაქცინით აცრილი 17 მილიონი ადამიანის მონაცემებზე ჩატარებული შემოწმებების საფუძველზე, არ დასტურდება ფილტვის თრომბოემბოლიის, ღრმა ვენის თრომბოზისა თუ თრომბოციტოფენიის გაზრდილი რისკი არც ერთ ასაკობრივ და სქესობრივ ჯგუფსა თუ რომელიმე ქვეყნის წარმომადგენლებში.

8 მარტის მონაცემებით, გაერთიანებულ სამეფოსა და ევროკავშირში, აცრილი ადამიანებიდან ღრმა ვენის თრომბოზის 15, ფილტვის თრომბოემბოლიის კი 22 შემთხვევა აღინიშნა. განცხადებაში ისიც წერია, რომ ეს რიცხვი 17 მილიონი ადამიანის შემთხვევაში მოსალოდნელზე ბევრად დაბალია და ვაქცინის უკუჩვენებას არ უკავშირდება. ისიც უნდა აღინიშნოს, რომ მსგავსი მონაცემებია სხვა ვაქცინით აცრილ მოსახლეობაშიც. ვაქცინის შესახებ თვის მოხსენება ამ კვირაში European Medicines Agency-ს ვებგვერდზე გამოქვეყნდება.

მეტიც, კლინიკური შემოწმებების საფუძველზე, მიუხედავად იმისა, რომ აღნიშნული დაავადებები ადამიანთა ძალიან მცირე ნაწილში გამოვლინდა, ვაქცინირებულ ჯგუფში ეს რიცხვი კიდევ უფრო დაბალია.

AstraZeneca ვაქცინაზე უკვე ჩატარდა მრავალი შემოწმება და კვლავაც ჩატარდება. კომპანიაში, ევროპის ჯანდაცვის ორგანიზაციებსა და დამოუკიდებელ ლაბორატორიებში ჩატარებული ცდები არ აჩვენებს შეშფოთების რაიმე მიზეზს. ვაქცინის წარმოებისას ტარდება 60-ზე მეტი ხარისხის ტესტი AstraZeneca-ს მისი პარტნიორებისა და 20-ზე მეტი დამოუკიდებელი ლაბორატორიის მიერ. თითოეულ მათგანს აქვს გარკვეული კრიტერიუმები უსაფრთხოებისა და ხარისხის კონტროლისთვის. აღნიშნული მონაცემები შემდეგ გადაეცემა ქვეყნებს დამატებითი შემოწმებებისთვის და მხოლოდ ამის შემდეგ ხდება მისი მიწოდება მოსახლეობისთვის.

აღნიშნული კვლევების საფუძველზე AstraZeneca ვაქცინაზე არანაირი უკუჩვენება ფიქსირდება. კომპანიის განცხადებით, საზოგადოების ჯანმრთელობა და უსაფრხოება მათი პრიორიტეტია.