როგორც წესი, წარმატებული მომღერლების კარიერა ათეულ წელს მაინც ითვლის: რამდენიმე ალბომი, მრავალი მუსიკალური ჩანაწერი, ძვირადღირებული ვიდეოკლიპები თუ მსოფლიო ტურნეები აქცევს მათ სახელს საკულტოდ.

თუმცა არიან ისეთებიც, რომლებსაც როგორღაც ერთი ისეთი სიმღერა გაუვარდათ, რომელზეც მთელი მსოფლიო აიყოლიეს, თუმცა შემდეგ სად გაქრნენ, ეშმაკმა უწყის: ვინმეს რომ ჰკითხო, ამ ჰიტის გარდა კონკრეტული მომღერლის კიდევ რომელი სიმღერა იციო, სრული უმრავლესობა ვერაფერს გიპასუხებს.

მოკლედ, ბევრისთვის მათ მოღვაწეობას ეს გიფი საუკეთესოდ აღწერს:

ფოტო: Giphy

შესაძლოა, ამ სტატიაში თავმოყრილი შემსრულებლების ნაწილმა მუსიკალური კარიერა გააგრძელა და ერთგულმა მსმენელებმა მათი შემდგომი სიახლეების შესახებაც კარგად უწყიან, თუმცა ისინი იმ ერთი მიზეზით მოხვდნენ ამ სიაში, რომ ბოლო წლებში მათ ისეთივე ჰიტი აღარ შემოუთავაზებიათ, რომლითაც ყველამ გაიცნო, მეტიც, უმრავლესობას მათი არსებობაც კი უბრალოდ გადაავიწყდა.

1. Gotye — Somebody That I Used To Know (feat. Kimbra)

გრემისაც კი გამოჰკრეს ხელი და შემდეგ გაუჩინარდნენ.

2. Passenger — Let Her Go

რომანტიკოსების საყვარელი მელოდია მობილური ტელეფონებისთვის.

3. Michel Teló — Ai Se Eu Te Pego

ცოტა ხანი ქორწილებსა და ბანკეტებში კი ააცეკვა ყველა ამ სიმღერით.

4. ALEXANDRA STAN — Mr. Saxobeat

შუშებჩაწეულ მანქანებში ბოლო ხმაზე აწეული სიმღერა.

5. Ylvis — The Fox (What Does The Fox Say?)

რბილად რომ ვთქვათ, ბოლო დროის ერთ-ერთი ყველაზე უცნაური ჰიტია.

6. Swedish House Mafia — Don't You Worry Child

შესაძლოა, უბრალოდ მსგავსი ტიპის საცეკვაო ელექტრონული მუსიკა გადავიდა მოდიდან.

7. Icona Pop — I Love It

ამ შვედ მუსიკოსებს სხვა რამდენიმე საინტერესო ჩანაწერიც აქვთ, თუმცა მსმენელების სრული უმრავლესობა მათ ამ ერთი ჰიტით იცნობს.

8. A Great Big World, Christina Aguilera — Say Something

A Great Big World-ისთვის მხოლოდ კრისტინა აგილერა აღმოჩნდა წარმატების მომტანი.

9. MAGIC! — Rude

უდიპლომო სასიძოების ჰიმნი.

10. PSY — GANGNAM STYLE

2012 წელს აპოკალიფსი არა, მაგრამ ეს ვიდეოკლიპი გვქონდა.