იუთუბერობა მომავლის პროფესიად იქცა, რომელშიც არ გყავს უფროსი, არ გაქვს სამუშაო გრაფიკი გაწერილი და საკუთარ დღესაც თავად გეგმავ. არც ასაკს ან საცხოვრებელ ადგილს აქვს მნიშვნელობა. მთავარია გსიამოვნებდეს კონტენტის შექმნის პროცესი და ამის სხვებისთვის გაზიარებაც მოგწონდეს. შეგიძლია, შენს ჰობზე, საქმიანობაზე და ყოველდღიურ ცხოვრებაზე ვიდეოები გადაიღო, აუდიტორიისთვის საინტერესო მთხრობელად იქცე და ამით შემოსავალიც კი მიიღო.

საქართველოშიც, ისევე, როგორც მსოფლიოში, პლატფორმას უამრავი მომხმარებელი ჰყავს. 2020 წლის მონაცემებით, YouTube-ს ჯამში 2 მილიარდი ადამიანი იყენებდა, ხოლო ინტერნეტის მომხმარებელთა 79%-ს ამ დროისთვის ვიდეოების ქსელში საკუთარი ანგარიშიც ჰქონდა შექმნილი.

ქართველი იუთუბერები ბოლო წლებში განსაკუთრებით გააქტიურდნენ და ინტერნეტსივრცეში მოხმარებელთა ყოველდღიურ მეგზურებად იქცნენ. საქართველოს ბანკმა გადაწყვიტა, რომ მათი ისტორიები დოკუმენტურ ფილმში გაეერთიანებინა და 20 წარმატებული ქართველი იუთუბერის მონაწილეობით დოკუმენტური ფილმი, აღმოაჩინე ქართული YOUთუბი გადაიღო. ფილმის პრემიერა პლატფორმაზე დღეს იგეგმება.

როგორც საქართველოს ბანკში გვეუბნებიან, დოკუმენტური ფილმის სახელში "აღმოაჩინეს" თავისი დატვირთვა აქვს. ბანკის მიზანია მაყურებელს საზოგადოების საინტერესო წევრების გაცნობასა და აღმოჩენაში, ხოლო თავად იუთუბერებს აუდიტორიის გაზრდაში დაეხმაროს. მონაწილეებს შორის არიან ოლიმპიელები, გეიმერები, მუსიკოსები და ა.შ. საქართველოში იუთუბერები ყველა კუთხიდან არიან, განსხვავებული ინტერესებით:

"ჩვენს ფილმს იქით, კიდევ ბევრი იუთუბერია აღმოსაჩენი".

დოკუმენტურ ფილმში ქართველი კრეატორები საკუთარ განვლილ გზაზე, ახალი პროფესიის ათვისებაზე, გამოწვევებზე და კონტენტის შექმნის ხერხებზე მოგვიყვებიან. შერჩეულ 20 იუთუბერს შორისაა გიორგი დანელია, საეჭვო კაცი, ანანო თოთიაური, ჰანგრიმენი, ოქტოპუსი, Go Let’s Play და სხვები.

დოკუმენტური ფილმის პრემიერა საქართველოს ბანკის YouTube-ზე დღეს, 26 თებერვალს, 9 საათზე ამ ბმულზე შედგება.

კრედიტები:

პროექტი: აღმოაჩინე ქართული იუთუბი
მარკეტინგის დირექტორი: ლევან გომშიაშვილი
სოციალური მედიის გუნდის უფროსი: მარიამ ფერიშვილი
ბრენდ მენეჯერი: სოლო წიწუაშვილი
ბრენდ მენეჯერი: ენუკი კვინტრაძე
ფილმზე მუშაობდნენ:
კონსულტანტი - დავით ალავიძე
სცენარი - ლაშა მილორავა
აღმასრულებელი პროდიუსერი - გიორგი გიაშვილი
წარმოების მენეჯერი - ირაკლი ფირცხალაიშვილი
რეჟისორი - გიორგი ოკმელაშვილი
რეჟისორის ასისტენტი - მარიამ საბანაძე
ოპერატორი - კაკი ძაგნიძე, ბაჩაბა გუჩუა, ნიკოლოზ საჩანელი
ფოტოგრაფი - გივი ბარათაშვილი
გამნათებელი - ირაკლი საბანაძე, კაკი ძაგნიძე
გრიმი - ნანუკა ლავრელაშვილი
გადასაღები მოედნის მენეჯერი - აკაკი კევლიშვილი, დათუნა ჩაკვეტაძე
დამხმარე მოედანზე - გიორგი აღნიაშვილი
მძღოლი - გიგა ბარაჩაშვილი