დღესდღეობით ინტერნეტსივრცეში პოპულარობის მოპოვება რთული არაა, თუკი მომხმარებლებს განსხვავებულ და საინტერესო კონტენტს შესთავაზებ. თუმცა, ინტერნეტვარსკვლავობა გამართლებაზე უფრო მეტადაა დამოკიდებული, ვიდრე ორიგინალური ვიდეოებისა და თუ პოსტების შექმნაზე. ამის თვალსაჩინო მაგალითი ჩარლი დ'ამელიოა, რომელმაც TikTok-ზე ცეკვის ვიდეოების განთავსება 2019 წელს დაიწყო და მალევე მოაგროვა 100 მილიონზე მეტი გამომწერი.

აი, ორიგინალური კონტენტის შექმნა კი ნამდვილად სცადა (და, თან, წარმატებულად) ქართველმა შუშანა ბებომ, უფრო სწორად, შუშანა ბებოს შვილიშვილებმა, რომელთაც წითელპომადიანი, ენერგიული და მოსიყვარულე ბებია მართლაც აქციეს ინტერნეტვარსკვლავად.

@mariamghudu

ჩემი ფუმფულა 😁 გონია რომ სარკეში იყურება 😁😁 შემთხვევით გადაიღო 😀😍😍

♬ original sound - Mari Ghudushauri

მარი ღუდუშაურის ტიკტოკის ანგარიშზე გამოქვეყნებულ ვიდეოებში შუშანა ბებო სხვადასხვა სიტუაციაში გვხვდება — ვარჯიშობს, სერიალს ჰყვება, შვილიშვილებთან ერთად ცეკვავს — თუმცა ყველა მათგანში ცდილობს, ლამაზად გამოიყურებოდეს.

"რატომ უნდა გადამიღო მოსაწესრიგებელს?" — ეკითხება 84 წლის ბებია "ოპერატორს" ერთ-ერთ ვიდეოში და მოუწოდებს, შვილიშვილებმაც მის მსგავსად ივარჯიშონ. თან, არც ძალისხმევას იშურებს და თავად ასწავლის, როგორ არ ჰქონდეთ "ღაბაბი".

@mariamghudu

ესეც შეპირებული "ღაღაბის " ვარჯიშები 😁🥺🥺მიყვარხარ ბეე❤️❤️##foryou ##foryoupage ##ფორიუზე

♬ original sound - Mari Ghudushauri

როგორც ვიდეოებიდან ირკვევა, შუშანა ბებოს ყველაზე მეტად არ მოსწონს, როცა შვილიშვილები "ყურს არ უგდებენ" და ხანდახან სერიალის ყურებაშიც უშლიან ხელს, თუმცა, როგორც ალბათ ყველა ბებიას, მასაც უპირობოდ უყვარს შვილიშვილები და ცდილობს, სულ მათთან იყოს.

@mariamghudu

ჩემი ნარცისი ქალბატონი😁😁###foryoupage ##ფორიუზე ##foryou ##პოზიტივი ##ჩემიფუმფულა

♬ original sound - Mari Ghudushauri

შუშანა ბებო ცოტა ხნის წინ ფეისბუქზეც გამოჩნდა და უმალ მოიპოვა პოპულარობა. მის გვერდს თითქმის 70 ათასი გამომწერი ჰყავს, TikTok-ზე გამოქვეყნებულმა ვიდეოებმა კი ჯამში მილიონზე მეტი ლაიქი მოაგროვა.

@mariamghudu

ჩემი წითელპომადა ქალბატონი❤️ თან იცის რომ ვუღებთ და აინტერესებს თავის თავი 😁😁##foryoupage ##foryou ##ფორიუზე ##სილამაზე ##foryoupage ##პოზიტივი

♬ original sound - Mari Ghudushauri

პოპულარულ ბებიას ერთგული მაყურებლები საჩუქრებს მთელი საქართველოდან (და არა მხოლოდ საქართველოდან) უგზავნიან; ამიტომ შუშანა ბებოც არ აწბილებს მათ და "ხალხის პატივისცემის" გამო არც მათ მიერ მოთხოვნილ სიმღერაზე ამბობს უარს.

ამომავალმა ვარსკვლავმა მიიქცია არა მხოლოდ მომხმარებლების, არამედ არამედ ინტერნეტში უკვე ცნობილი ადამიანების ყურადღებაც. ბლოგერმა ლამარა აბჟანდაძემ შუშანა ბებოს მეგობრობაც კი სთხოვა.