ვანდას როლის შემსრულებლის, ელიზაბეტ ოლსენის თქმით, WandaVision-ში იმდენად შოკისმომგვრელი პერსონაჟის გამოჩენას უნდა ველოდეთ, რომ უცნაურია აქამდე საიდუმლოდ როგორ შეინახეს. The Disney+-მა ვიზუალურად სრულყოფილი სიტკომი შემოგვთავაზა. ახალდაქორწინებულმა ვანდამ და ვიჟენმა ბედნიერებას მიაღწიეს, მაგრამ ყველაფერი ისე არ არის, როგორც ერთი შეხედვით ჩანს. მარველის სამყაროს თავდაცვის ორგანიზაცია SWORD ცდილობს გაარკვიოს, რა ხდება ვანდას თავს.

The Disney+-მა The Mandalorian-ის ფანებიც წარმოუდგენელი ქროსოვერით აღაფრთოვანა, რომელსაც ვერავინ წარმოიდგენდა, როგორც ჩანს, ამჯერად WandaVision-ის ფანები უნდა ელოდნენ სიურპრიზს.

"კამეო იქნება. აღფრთოვანებული ვარ", — აღნიშნა ოლსენმა, თუმცა დეტალებზე არ უსაუბრია, სავარაუდოდ ის იმავე კამეოს გულისხმობს, რომელზეც ვიჟენის როლის შემსრულებელმა, პოლ ბეთანიმაც მიანიშნა, როდესაც განაცხადა, რომ შოუმ შესაძლებლობა მისცა დიდი ხნის ნანატრ მსახიობთან ერთად ემუშავა.

სერიალის სცენარის ავტორმა, ჟაკ შეფერმაც აღნიშნა, რომ "წინ კიდევ ბევრი სიურპრიზია, ამიტომ ფანები ბევრად მეტისთვის უნდა მოემზადონ".

8 მიზეზი, რის გამოც WandaVision-ის ყურება დღესვე უნდა დაიწყოთ