Covid-19-ის პანდემიამ სცენარი ფინტექის ინდუსტრიისთვისაც შეცვალა. ბოლო რამდენიმე წლის განმავლობაში ძირითადი რეფორმების განხორციელება, როგორიცაა GST, Aadhaar, ასევე UPI, მხოლოდ უახლესი ტექნოლოგიების გამოყენებით შესაძლოა განხორციელდეს. ფინტექ პლატფორმებმა მნიშვნელოვანი როლი ითამაშეს მომხმარებლების ფინანსური ხელმისაწვდომობისა და გარიგების დამუშავების პროცესში ხელოვნური ინტელექტის (AI) და მანქანური დასწავლის (ML) მეშვეობით.

ინდოეთის მაგალითზე, ქვეყანაში ფინტექ ინდუსტრიას 500 მილიონზე მეტი ინტერნეტ მომხმარებელი ჰყავს, მათი 95%-ზე მეტი კი ინტერნეტს სმარტფონების დახმარებით იყენებს. პანდემიის პირობებში, მოულოდნელად სწრაფმა დემონეტიზაციის ნაბიჯმა მასიურად დადებითი შედეგი მისცა ფინტექ სექტორს.

ფინტექმა უკვე შეცვალა ბაზარი, ხოლო ტრადიციული ფინანსური ორგანიზაციების 82% გეგმავს ფინტექ კომპანიებთან თანამშრომლობის გაზრდას, მომდევნო 3-5 წლის განმავლობაში. მოქმედი საფინანსო ინსტიტუტების 88% მიიჩნევს, რომ მომდევნო ხუთი წლის მანძილზე, მათი ბიზნესის ნაწილს დაკარგავენ და ეს გადანაწილდება ფინტექ კომპანიებზე. ერთ–ერთი ფაქტორი, რამაც შეიძლება ხელი შეუწყოს ზრდას, იქნება პარტნიორობა დინამიურ სექტორსა და გამოცდილ ტრადიციულ საბანკო სექტორს შორის. ამ ორს შორის თანამშრომლობამ შეიძლება მოიტანოს საუკეთესო შედეგი და მოსახლეობის უნიკალურ პროდუქტებზე ხელმისაწვდომობა გაზარდოს.

ფინტექის ლანდშაფტი ასევე მუშაობს ინოვაციებზე, რაც ხელს შეუწყობს მთელ მსოფლიოში ფინანსური მომსახურებების განვითარებას. ახალგაზრდა ფინტექ პლატფორმები უკვე სთავაზობს კონსოლიდირებულ ფინტექ გადაწყვეტილებებს მომხმარებლებს, რაც მათ საშუალებას მისცემს განახორციელონ მთელი რიგი ოპერაციები, როგორიცაა ხარჯვა, სესხის გაცემა, ინვესტიცია, თანხის გადარიცხვა და ა.შ. არსებული B2B2C პლატფორმების დახმარებით გაზრდილი ელექტრონული კომერცია კიდევ ერთი რესურსია ახლადშექმნილი Fintech კომპანიებისთვის, რაც პანდემიის შემდგომ, მომავალში უნდა გაითვალისწინონ.