მსოფლიოში ერთ-ერთმა ყველაზე სწრაფად მზარდმა სმარტფონების ბრენდმა, Realme-მ ახალი Realme 7 Pro წარმოადგინა. 16 ოქტომბრიდან კი მისი ყიდვა უკვე საქართველოში, ბრენდის ოფიციალურ პარტნიორ მაღაზიათა ქსელ ალტაში შეგეძლებათ. Realme 7 Pro გამოირჩევა მაღალი წარმადობით, რაც ახალგაზრდებს სმარტფონის შესაძლებლობების მაქსიმუმის გამოყენების საშუალებას აძლევს, მისი შეძენა კი საკმაოდ ხელმისაწვდომ ფასად იქნება შესაძლებელი.

100%-მდე 34 წუთში

65 ვატიანი SuperDart ტექნოლოგია Realme Pro 7-ს საქართველოში ყველაზე სწრაფად დამუხტვად სმარტფონად აქცევს.

Realme 7 Pro-ს ახალი 65 ვატიანი SuperDart დამტენი მოყვება, რომელიც სმარტფონს საქართველოს ბაზარზე არსებულ სხვა სმარტფონებთან შედარებით, ყველაზე სწრაფად დამუხტავს. "მკვდარი" ელემენტის დამუხტვის დაწყებიდან ზუსტად 3 წუთში შეგიძლიათ დაიწყოთ YouTube ვიდეოების ყურება, ხოლო 10 წუთში თქვენი სმარტფონი უკვე 43%-ით დაიმუხტება. კიდევ 25 წუთიანი დამუხტვის შედეგად კი თქვენი სმარტფონის ელემენტი 100%-ით შეივსება.

ბრენდის მიერ 65 ვატიანი SuperDart დამტენის 1099-ლარიანი სმარტფონების სეგმენტში გამოყენება Realme-ს სწრაფი დამუხტვის ტექნოლოგიის განვითარების ლიდერად აქცევს, რაც ახალგაზრდა მომხმარებლებისთვის უაღრესად მნიშვნელოვანი ფაქტორია. 3 წუთში 13%-ით და 34 წუთში 100%-ით სმარტფონის დამუხტვის შესაძლებლობა Realme 7 Pro-ს ბაზრის უკომპრომისო ლიდერად აქცევს. გარდა ამისა, დამუხტვისას სმარტფონი დაცულია 40℃-იანი გადახურებისგან, ხოლო ელ.ენერგიის გარდაქმნის ეფექტიანობა ამ დროს 98%-ს აღწევს.

64 მპ-იანი ფართოკუთხოვანი ოთხმაგი კამერა შთამბეჭდავი სურათებისთვის

იმისთვის, რომ აზალგაზრდებმა საკუთარი ცხოვრების საუკეთესო მომენტები უფრო კარგად აღბეჭდონ, Realme 7 Pro მათ სონის ოთხმაგ 64 მეგაპიქსელიან ლინზას სთავაზობს. 64 მეგაპიქსელიანი კამერის ძირითადი სენსორის ადგილს 1/1.73 ინჩიანი Sony IMX 682 იკავებს, რომლის აპერტურაც f/1.8-ს შეადგენს, რის შედეგადაც მნიშვნელოვნად იზრდება განათების მიმართ მგრძნობელობა და ფერების სიხასხასე. Quad Bayer-ის ტექნოლოგიის გამოყენებით, კამერის სენსორი 1.6 მიკრომეტრიანი პიქსელების შექმნით შესანიშნავ დინამიკას უზრუნველყოფს, თანაც შეუდარებელი დეტალიზაციით და ხარისხის ყოველგვარი დანაკარგის გარეშე. 8 მეგაპიქსელიანი ფართოკუთხოვანი სენსორი 119 გრადუსიან ხედს აღბეჭდავს, ხოლო მისი აპერტურა f/2.3-ს აღწევს. სმარტფონში მაკრო სურათების გადასაღებად ცალკე, 4 სანტიმეტრიანი ლინზაა გათვალისწინებული, რომელიც მცირე ობიექტების ახლოდან გადაღების და მიკროსამყაროს ახლიდან აღმოჩენის საშუალებას მოგცემთ.

გარდა ამისა, Realme 7 Pro-ს Pro Nightscape, Ultra Nightscape, ტრიპოდის, პორტრეტის, პანორამის და სხვა რეჟიმების მხარდაჭერაც აქვს. ახალ სმარტფონის კამერის აპლიკაციაში თქვენ საინტერესო ღამის ფილტრებიც დაგხვდებათ, როგორიცაა Cyberpunk, Flamingo და Modern Gold, რაც ღამის ფოტოსურათებს მეტ უნიკალურობას შესძენს.

ამით Realme 7 Pro-ს კამერის შესაძლებლობები არ ამოუწურულა. სმარტფონმა 32 მეგაპიქსელიანი სელფის კამერაც მიიღო, რომელიც არასაკმარისი განათების პირობებშიც კი საუკეთესო სელფის შექმნაში დაგეხმარებათ — Super Nightscape რეჟიმი ოთხ პიქსელს ერთ 0.8 მიკრომეტრიან პიქსელში გააერთიანებს და ამით ჩაბნელებულ ადგილებში გადაღებულ სელფის ნათელ ფერებში აღბეჭდავს. სმარტფონს ასევე გააჩნია UIS ვიდეოს სტაბილიზაცია, რეალურ დროში ბოკეს ეფექტის გამოყენების და slowmo ვიდეოგადაღების შესაძლებლობა.

Super AMOLED ეკრანი

სმარტფონი 6.4-დიუმიანი FHD + Super AMOLED ეკრანითაა აღჭურვილი, რომელიც ეკრანის წინა ნაწილს 90,8%-ით ფარავს. Realme 7 Pro-ს ეკრანით თქვენი მუშაობა მზის პირდაპირი სხივების ეკრანზე მოხვედრის შემთხვევაშიც არ შეფერხდება.

სხვა მახასიათებლები

Realme 7 Pro აღჭურვილია სპიკერით, რომელსაც სტერეო ჟღერადობის იმიტირება შეუძლია, რაც აუდიო გამოცდილებას უფრო შთამბეჭდავს ხდის.

ვინაიდან სმარტფონის დასახელებაში "Pro" ფიგურირებს, გასაგები ხდება, რომ სმარტფონი მაღალი წარმადობით გამოირჩევა. Realme 7 Pro-ში თქვენ დაგხვდებათ სწრაფი, თანამედროვე სამომხმარებლო ინტერფეისი, რომელიც ახალგაზრდებზე მორგებული თავისებურებებით არის გამორჩეული. პროცესორის ადგილს სმარტფონში 8 ნანომეტრიანი ტექნოლოგიით დამზადებული Snapdragon 720G იკავებს, რომლის ტაქტური სიხშირე 2.3 გჰც-ს აღწევს. სმარტფონი აღჭურვილია 2-არხიანი LPDDR4X ოპერატიული მეხსიერებითა და UFS2.1 შიდა მეხსიერებით. ამასთანავე 7 Pro-ში გათვალისწინებულია "2+1" სლოტი, რომელსაც ორი nano SIM ბარათისა და microSD ბარათის მხარდაჭერა აქვს. ეკრანზე განლაგებული თითის ანაბეჭდის სენსორი კი საშუალებას გაძლევთ სმარტფონი უფრო სწრაფად და უსაფრთხოდ განბლოკოთ.

ვინაიდან ელემენტის ენერგიის მდგრადობის თვალსაზრისით გარღვევა ჯერ არ მომხდარა, SuperDart Charge ტექნოლოგია ერთ-ერთი საუკეთესო გამოსავალია იმისთვის, რომ სმარტფონი მაქსიმალურად სწრაფად დაინტენოს. როგორც TüV Rheinland Smartphone სანდოობის ვერიფიკაციის მქონე სმარტფონი, მას აქვს დამუხტვის მოწინავე ტექნოლოგიის მხარდაჭერა, გამორჩეული კამერა და შესანიშნავი წარმადობა — ყველაფერი, რაც ახალგაზრდებს სჭირდებათ.

საქართველოში Realme 7 Pro-ს ამიერიდან Realme-ს ოფიციალურ პარტნიორ მაღაზიათა ქსელ ალტაში შეიძენთ. ყველაზე სწრაფი დამუხტვის შესაძლებლობის მქონე სმარტფონის ღირებულება აქ 1099 ლარია.