პროექტ მუზამეს ფარგლებში, 2017 წლის პირველ დღეს თანამედროვე ელექტრონული სცენის ვარსკვლავი დიჯეი David August თბილისში სეტით წარდგება მსმენელის წინაშე.

დიჯეისა და პროდიუსერს საერთაშორისო აღიარება ლეიბლ Dynamic-ზე გამოშვებულმა EP-იმ, Instant Harmony-მ მოუტანა. ტრეკებმა Hamburg is for Lovers და You Got to Love Me მუსიკოსი საერთაშორისო დონის არტისტად აქცია.

2013 წელს კონცეპტუალური ალბომის, Times-ის გამოშვების შემდეგ David August-მა შემოქმედებაში ინსტრუმენტული მუსიკისა და საკუთარი ვოკალის გამოყენება დაიწყო. 2014 წელს ის ონლაინ გამოცემამ, Resident Advisor-მა, 5საუკეთესო ლაივ შემსრულებელთა სიაში შეიყვანა.