2020 წელს პამდემიამ და შედეგად მიღებულმა უსაფრთხოების ზომებმა საზოგადოებრივი ცხოვრების ყველა ასპექტზე მოახდინა გავლენა, განსაკუთრებით დიდი ცვლილებები ტურიზმის სფერომ განიცადა. შიდა ტურიზმის ხელშესაწყობად Myhome-მა კამპანია "შენი ზაფხული აქ არის" ივნისის თვეში დაიწყო და მთელი ზაფხულის განმავლობაში გრძელდებოდა.

კამპანიის ერთ-ერთი მნიშვნელოვანი ნაწილი სტიკერები იყო, რომლისთვისაც საქართველოს სხვადასხვა კუთხე საფოსტო მარკების სახით წარმოაჩინეს. ოდესღაც საფოსტო მარკები ყოველდღიურობას წარმოადგენდა, თუმცა ტექნოლოგიების განვითარებასთან ერთად ისინი დიდი ხანია დავიწყებას მიეცა. Myhome-ის გრაფიკულმა დიზაინერებმა ორიგინალური მარკები შექმნეს, რაც არამხოლოდ ამ ვინტაჟურ საფოსტო ატრიბუტს, არამედ მასზე გამოსახულ საქართველოს კულტურულ ძეგლებს თუ სხვა საცნობ ნიშნებსაც ახლებურად დაგანახებს. სტიკერების გამოყენება სოციალური ქსელების მომხმარებელს Facebook და Instagram სთორების მეშვეობით შეუძლია, სადაც მის მიერ დანახულ საქართველოს შეუძლია მიამაგროს მოძრავი ილუსტრაცია. ასევე, Gif ვერსიის მოძებნა და გაგზავნა Facebook Messenger-ის მეშვეობითაც არის შესაძლებელი. ამ დროისათვის საქართველოს მხარეების 10 განსხვავებული ვიზუალიზაციაა შექმნილი, რომელიც შესაბამისი ადგილების ციფრულ იდენტობას ქმნის.

აბასთუმანი

რაჭა

ხევსურეთი

სამეგრელო

სვანეთი

თუშეთი

ყაზბეგი

კახეთი

ბათუმი

ქვემო ქართლი