ლიზ სან მილანის TikTok, რომელშიც ის მღერის, მისი სიურრეალისტური კამეოს გამო ვირუსულად პოპულარული გახდა.

10-წამიანი ვიდეო იმით იწყება, რომ ლიზი ლამაზად ღიღინებს მელოდიას, შემდეგ კი... თავად ნახეთ:

@lizjsm_

live footage of my mom telling me to break a leg ##FreezeFramePhoto ##GardenProject ##shesokay ##breakaleg ##ceiling ##musical ##fyp

♬ original sound - lizjsm_

"ღმერთო ჩემო!" — ყვირის ლიზი, ტრიალდება და დედამისის ფეხს ხედავს, რომელიც ჩამოტეხილი ჭერიდან ჰაერშია გამოკიდული.

ლიზი მალე მიუზიკლების სკოლაში სასიარულოდ ნიუ-იორკში გადასვლას აპირებს. ის თავისი მშობლების სახლში იღებდა ტიკტოკს, რომელშიც სამომავლო როლის გასაუბრებისთვის გასავარჯიშებლად Heathers: The Musical-ის Kindergarten Boyfriend-ს მღეროდა. დედამისი ზემოთ იყო, სხვენში, და შვილის ბარგს ეძებდა, რათა გადასვლაში მიხმარებოდა, როცა მას ფეხი დაუცდა და წაიქცა.

"სანამ ჩამოვარდებოდა, ჩემს სახეზე უკმაყოფილებასაც დაინახავთ, რადგან დედაჩემი ხმაურობდა, როცა იცოდა, რომ ვიღებდი. სხვენში ხის ძელებია გადებული, რომელზეც უნდა დააბიჯო, მაგრამ მას ფეხი დაუცდა და პირდაპირ ჩემს ჭერში ჩამოაბიჯა", — თქვა ლიზმა.

ლიზის დედა კარგადაა და მას არაფერი დაუზიანებია.

"თავიდან შოკირებული იყო, ამიტომაც არ ამოუღია ხმა და არ განძრეულია, თუმცა ის კარგადაა! ნაკაწრიც კი არ აქვს", — თქვა ტიკტოკერმა.

ლიზის თქმით, კედელში ხვრელი ისევაა და მამამისი მის გარემონტებაზე აქტიურად მუშაობს.

"ჩემი ვიდეოს გამოხმაურებებმა ძალიან გამახალისა. დედაჩემს კომენტარების კითხვა და დუეტების ნახვა ძალიან მოეწონა", — დაამატა ლიზმა.

ვიდეოს ამჟამად 6 მილიონი ნახვა და 2 მილიონი მოწონება აქვს.