თუ სტატიაში განხილული საკითხები რელევანტური გეჩვენათ ან თუ ზოგადად მენტალური ჯანმრთელობის თემა თქვენთვის საინტერესოა, შეგიძლიათ შემოგვიერთდეთ Facebook ჯგუფში — მენტალური ჯანმრთელობის ფორუმი.

მენტალური ჯანმრთელობის საკითხები დღითიდღე უფრო პოპულარული ხდება — ამაღლდა ცნობადობა კონკრეტული აშლილობების მიმართ, გაიზარდა მოთხოვნა ფსიქოთერაპევტებსა და ფსიქიატრებზე, საკუთარ ემოციურ მდგომარეობას კი ფიზიკურ მდგომარეობაზე ნაკლები ყურადღებით აღარ ვუდგებით, რაც ცალსახად დადებითი ფაქტი და სასარგებლო პრაქტიკაა.

თუმცა ფსიქიკური ჯანმრთელობის გარშემო კონკრეტული საკითხები ბევრისთვის ჯერ კიდევ ბუნდოვანია. ამის გათვალისწინებით, დღეს On.ge-ის იმ სტატიების სია შეგირჩიეთ, რომლებიც სწორედ ამ ბუნდოვანების ოდნავ მაინც ამოვსებაში დაგეხმარებით.

1. რა განსხვავებაა ფსიქოლოგებსა და ფსიქიატრებს შორის?

თუ ამ ორი პროფესიის დასახელება ერთხელ მაინც გვსმენია, ალბათ ყველას გაგვჩენია კითხვა: მაინც რა განსხვავებაა მათ შორის? ბევრი ფიქრობს, რომ ეს ორი პროფესია იდენტურია: უბრალოდ ფსიქოლოგები ნაკლებად მძიმე პაციენტებს ეხმარებიან, ფსიქიატრები კი — მეტად რთულ შემთხვევებზე მუშაობენ. ეს სრული სიცრუეა. სინამდვილეში, ფსიქოლოგებსა და ფსიქიატრებს სხვადასხვა დანიშნულება აქვთ და ხშირად ისინი ერთობლივად მუშაობენ ერთი პაციენტის კეთილდღეობაზე. უფრო დაწვრილებით ამაში გასარკვევად სწორედ მოცემული სტატია დაგეხმარებათ.

2. შფოთვითი აშლილობის ტიპები და მათი დაძლევის გზები

შფოთვითი აშლილობა ერთ-ერთი ყველაზე გავრცელებული ფსიქიკური დაავადებაა. საბედნიეროდ, მისი დაძლევა შესაძლებელია, თუმცა ამისათვის აუცილებელია იცოდეთ, აშლილობის ზუსტად რომელ ქვესახეობასთან გაქვთ საქმე და რა გახდა მისი წარმოშობის მიზეზი. ამის ზუსტად გამოსარკვევად ფსიქიატრის ან ფსიქოთერაპევტის დახმარებაა საჭირო, თუმცა შფოთვითი აშლილობის 6 ძირითად ქვეტიპზე და იმაზე, თუ რას გულისხმობს თითოეული მათგანი ან რა ფორმით ვლინდება სხვადასხვა ინდივიდში, ეს სტატია მოგიყვებათ.

3. შფოთვის 11 ნაკლებად ცნობილი სიმპტომი

როდესაც შფოთვით აშლილობაზე ვსაუბრობთ, აუცილებელია ვახსენოთ, რომ არსებობს მისი თანმხლები უამრავი სიმპტომი. პირველი ალბათ ყველას აჟიტირება, ტაჰიკარდია, ოფლიანობა და მოუსვენრობა გაგვახსენდება, თუმცა სინამდვილეში შფოთვის სიმპტომების ბევრად ფართო სპექტრი არსებობს. მოცემული სტატია სწორედ მათ ამოცნობაში დაგეხმარებათ.

4. ერთადერთი, არასდროს, არავინ — დეპრესიის მქონე ადამიანები ამ სიტყვებს ყველაზე ხშირად იყენებენ

აშლილობის არანაკლებ გავრცელებული ფორმაა დეპრესია. დეპრესია ცვლის ადამიანს, მის ყოველდღიურობას, ურთიერთობებს, ინტერესებს, დამოკიდებულებას ამ ინტერესების მიმართ და სხვა. ეს ყველაფერი ალბათ აქამდეც გსმენიათ, თუმცა ცოტამ თუ იცის, რომ დეპრესია ასევე ცვლის ადამიანის მეტყველების შინაარსს და მის სტილსაც. მოცემული სტატიაც დეპრესიის სწორედ ამ ასპექტს გაგაცნობთ.

5. რა აკავშირებს სტრესს დეპრესიასთან და როგორ შეიძლება მასთან გამკლავება

"როგორი დასტრესილი ვარ!" — დიდი ხნის განმავლობაში სტრესი ერთგვარი ფრთიანი გამონათქვამი იყო, თუმცა ახალი კვლევები აჩვენებს, რომ ეს მდგომარეობა საკვანძო ელემენტია ისეთი ფსიქიკური პრობლემების აღმოცენებაში, როგორიცაა დეპრესია და შფოთვითი აშლილობები. იმის გაგებაში, თუ კონკრეტულად რა აკავშირებს სტრესს დეპრესიასთან, ეს სტატია დაგეხმარებათ.

6. რა უნდა ვიცოდეთ პოსტნატალური დეპრესიის პირველი წამლის შესახებ

დეპრესიასა და ზოგადად მენტალურ ჯანმრთელობაზე საუბრისას არ შეიძლება გვერდი ავუაროთ პოსტნატალური, იგივე მშობიარობის შემდგომი დეპრესიის თემას, რომელიც ჩვენს სოციუმში ნამდვილად მეტ ყურადღებას საჭიროებს. ეს სტატია მოგითხრობთ მისი წარმოშობის სავარაუდო მიზეზებსა და პრეპარატზე, რომელიც ალბათ სულ მალე იქნება ხელმისაწვდომი.

7. კვებითი აშლილობის 8 გავრცელებული სიმპტომი, რომელიც უნდა იცოდეთ

კვებითი აშლილობაც ფსიქიკური ჯანმრთელობის პრობლემაა, რომელიც წონის პრობლემებთან სტრესული დამოკიდებულების დროს ყალიბდება. კვებითი აშლილობის მქონე ადამიანები ხშირად ამაზე საუბარს ერიდებიან, თუმცა არსებობს რამდენიმე გავრცელებული სიმპტომი, რომელიც ამ მდგომარეობის ამოცნობაში დაგეხმარებათ — აი, ისინიც.

8. როგორ შევაჩეროთ არასასურველი ფიქრები? — თერაპევტების 13 რჩევა

რუმინაცია — ასე უწოდებენ მენტალურ ჯანმრთელობაზე მომუშავე სპეციალისტები ფიქრის დროს ისეთი აზრთა სვლისთვის გაყოლას, რომელსაც დაღლის, შფოთვისა და აპათიის შეგრძნება მოაქვს. მოცემული სტატია სწორედ ამ მდგომარეობის დასაძლევად გამოსადეგ რჩევებს გაგაცნობთ.

9. შესაძლებელია თუ არა ადამიანების მძიმე ბავშვობისგან ხსნა

მენტალური ჯანმრთელობის პრობლემების დიდი წილი ხანდახან ჩვენთვის სრულად გაუცნობიერებლად ბავშვობაში იღებს სათავეს. გასულ ათწლეულში ჩატარებული კვლევების თანახმად, ბავშვობის საზიანო გამოცდილებასა და მოზარდობაში ჯანმრთელობის პრობლემებს შორის მთავარ დამაკავშირებელ რგოლს ტოქსიკური სტრესი წარმოადგენს — ანუ ისეთი განმეორებადი სტრესული სიტუაციები, როგორებიცაა, მაგალითად, ოჯახური ძალადობა ან სიღარიბეში ცხოვრება. ამ სტატიაში დაწვრილებით გაეცნობით მოცემულ ფენომენსა და პრობლემის გადასაჭრელად დანერგილ კონკრეტულ პროგრამებს.

10. 10 აპლიკაცია ფსიქიკური ჯანმრთელობის შესანარჩუნებლად

დღევანდელ დროში თითქმის ყველა პრობლემის საპირწონედ არსებობს აპლიკაცია, რომელიც ამ პრობლემის მოგვარებაში თუ ვერა, მის უკეთ შეცნობასა ან მართვაში მაინც დაგეხმარებათ. გამონაკლისი არც მენტალური ჯანმრთელობის პრობლემებია. მოცემული სტატია სწორედ იმ აპლიკაციებს გაგაცნობთ, რომლებიც ფსიქიკური სიჯანსაღის შენარჩუნებაში დაგეხმარებათ.