ჩრდილოეთ იტალიაში მდებარე ვენახში გათხრების დროს არქეოლოგებმა მესამე საუკუნის მოზაიკური იატაკი იპოვეს, რომელიც რომაულ ვილას ეკუთვნოდა.

ვერონასთან ახლოს უძველესი რეზიდენციების კვალი ჯერ კიდევ 1922 წელს იპოვეს, თუმცა ადგილზე არქეოლოგები კვლევების გასაგრძელებლად თითქმის საუკუნის შემდეგ დაბრუნდნენ. მკვლევართა გუნდმა ტერიტორიის შესწავლა გასულ ზაფხულს დაიწყო, თუმცა პანდემიის გამო სამუშაოები დროებით შეწყდა.

"ათწლეულების განმავლობაში უამრავი უშედეგო მცდელობის შემდეგ, ვერონაში მდებარე ვილის იატაკისა და საძირკველის ნაწილს, რომელიც მეცნიერებმა საუკუნის წინ აღმოაჩინეს, როგორც იქნა ნათელი მოეფინა", — განაცხადა ერთ-ერთმა კვლევარმა.

გათხრების დაწყებიდან ერთი კვირის შემდეგ კი გუნდმა მიწისქვეშ მოზაიკა იპოვა. მათ როგორც კრამიტები, ასევე ვილის საძირკვლის ნაწილიც აღმოაჩინეს. იმისთვის, რომ ეს არქეოლოგიური განძი ხელმისაწვდომი გახდეს, მკვლევრები ოფიციალურ წარმომადგენლებთან და ვენახის მეპატრონეებთან თანამშრომლობას გეგმავენ. პროცესს საკმაოდ დიდი დრო და რესურსები დასჭირდება.

A NEGRAR UN TESORO ARCHEOLOGICO SOTTO LE VIGNE Dopo innumerevoli decenni di tentativi falliti, finalmente è stata...

Posted by Comune di Negrar di Valpolicella on Monday, May 25, 2020

"ჩვენ გვჯერა, რომ მსგავსი მნიშვნელობის ადგილი ყურადღებას იმსახურებს. სწორედ ამიტომ, ოფიციალური პირების დახმარებით ვიპოვით გზას, რომ ეს განძი სხვებისთვისაც სასიამოვნო გავხადოთ", — განაცხადა მაიორმა რობერტო გრისონმა.

მოზაიკა ერთადერთი ამაღელვებელი აღმოჩენა არ არის, რომელიც უძველეს რომაულ ისტორიას უკავშირდება — გასულ თვეს, პანთეონთან ახლოს მოკირწყლული ფილები იპოვეს, რომელიც ქრისტეს შობამდე პერიოდს ეკუთვნოდა.