ცნობილი ამერიკელი მსახიობი ოლივია უაილდი, რომელიც მაყურებელს ცნობილ სამედიცინო სერიალ House-ში შესრულებული როლით ახსოვს, კარიერას რეჟისორის ამპლუაში აგრძელებს და მისი ახალი პროექტის შესახებ დეტალები უკვე ცნობილია.

Don’t Worry Darling — ასე ერქმევა ფსიქოლოგიური თრილერის ჟანრის ფილმს, რომელიც 1950-იან წლებში კალიფორნიის უდაბნოში შექმნილ უტოპიურ საზოგადოებაზე მოგვითხრობს.

უკვე ცნობილია, თუ ვის ვიხილავთ ამ ფილმის მთავარ როლებში: Midsommar-ისა და Little Women-ის ვარსკვლავი, ფლორენს პიუ, ცნობილი მსახიობი შაია ლაბაფი და კრის პაინი, რომელმაც ცნობილ ბლოკბასტერ Wonder Woman-ში ითამაშა.

ასევე აღსანიშნავია, რომ ოლივია რეჟისორობასთან ერთად ფილმში მეორეხარისხოვან როლსაც შეასრულებს.

ეს უალდის რიგით მეორე სრულმეტრაჟიანი სარეჟისორო ნამუშევარი იქნება: გასულ წელს კეიტლინ დევერისა და ბინი ფელდშტენის მონაწილეობით მისი სადებიუტო ფილმი Booksmart გამოვიდა, რომელმაც კრიტიკოსების საკმაოდ დადებითი შეფასებები დაიმსახურა.