აპლიკაცია Matter თანამშრომლების ან მომხმარებლების გამოკითხვის საშუალებით საკუთარი პროფესიული უნარ-ჩვევების გაუმჯობესებაში დაგეხმარებათ.

ძალიან ხშირად საკუთარი პროდუქტიულობისა და შესრულებული სამუშაოს შეფასებისთვის თანამშრომლები ელოდებიან კვარტალურ ან წლიურ ანგარიშს, რომელიც პირადი პროფესიული უნარ-ჩვევების გასაუმჯობესებლად არც თუ ისე დიდ ინფორმაციას გვაწვდის.

Matter გვაძლევს საშუალებას რეგულარულად, ერთგვარი თამაშის ფორმატში გამოვკითხოთ თანამშრომლები ჩვენ პროფესიულ უნარ-ჩვევებთან დაკავშირებით, მოვისმინოთ მათი შენიშვნები და ასეთი სახით საკუთარი თავის უკეთეს ვერსიის შექმნაზე ვიმუშაოთ.

Matter-ს, სტანდარტული შეფასებისგან განსხვავებით, აქვს შესაძლებლობა, რომ ყურადღება კონკრეტულ უნარ-ჩვევებზე გაამახვილოთ და გამოკითხოთ ნებისმიერი თანამშრომელი, რომელიც მიგაჩნიათ, რომ ამ შეფასებაში კომპეტენტური იქნება.

პროფესიული განვითარების ახალ აპლიკაციას უკვე იყენებენ ისეთი კომპანიები, როგორებიცაა Dribble, Adobe და Airbnb.

"საოცარი აპლიკაციაა. მასში არსებული ინტერფეისი, რომელიც შენიშვნებისა თუ შეფასების მოთხოვნის გაგზავნის და უკუკავშირის მიღების საშუალებას მაძლევს ძალიან მოსახერხებელია", — Dribble-ის პროდუქტების განვითარების მენეჯერი.

აპლიკაციის შემქმნელების აზრით, საკუთარი უნარ-ჩვევების ყოველთვიური გადამოწმება საბოლოოდ თანამშრომლის პროდუქტიულობას მნიშვნელოვნად აუმჯობესებს.

სერვისი ერთ წლიანი დახურული ბეტა ტესტირების შემდეგ დღეს უკვე ყველასთვის ხელმისაწვდომია.

თანამედროვე სამყაროში ტექნოლოგიური სიახლეების გარეშე ცხოვრება ზოგჯერ წარმოუდგენელიცაა. ჩვენ ხშირად ვეძებთ ყოველდღიურობისთვის საჭირო აპლიკაციებსა თუ სერვისებს, რომლებიც კონკრეტული პრობლემების გადასაჭრელად გვჭირდება.

Product Hunt ვებგვერდია, რომელიც ინოვაციების ერთგვარ გამოფენას ჰგავს. აქ პროდუქტები 4 მთავარ კატეგორიად იყოფა: ტექნოლოგიები (მობილური და ვებ-აპლიკაციები, მოწყობილობები და სხვა), თამაშები, წიგნები და პოდკასტები.

პლატფორმაზე საკუთარი პროდუქტის გამოქვეყნება ყველას შეუძლია, სხვები კი მას აფასებენ და ქულებს უწერენ. ჩვენ, ყოველ ორშაბათს, გასული კვირის განმავლობაში აღმოჩენილი ახალი პროდუქტებიდან საუკეთესოს შევარჩევთ და გაგაცნობთ.