ორგზის ოსკაროსანი მსახიობი, ტომ ჰენკსი და მისი ცოლი, რიტა უილსონი ავსტრალიიდან, სადაც კორონავირუსის ინფექციის დადასტურების შემდეგ იზოლირებულები არიან, თავიანთი მდგომარეობის შესახებ ინფორმაციას ტვიტერზე ავრცელებენ:

"რიტა უილსონსა და მე გვინდა ყველას დიდი მადლობა გადავუხადოთ ასეთი ზრუნვისთვის. ჩვენ ინფექცია COVID-19 გვაქვს და იზოლირებულები ვართ, რათა სხვასაც არ გადავდოთ. ადამიანების ნაწილისთვის ამ დაავადებამ შეიძლება სერიოზული შედეგები გამოიწვიოს. ჩვენ კი ვცდილობთ ყოველდღიურად ვებრძოლოთ მას. ერთი რამ ყველას შეგვიძლია: ექსპერტების რჩევები გავითვალისწინოთ და საკუთარ თავთან ერთად სხვებსაც მოვუფრთხილდეთ."

ტომ ჰენკსმა თავისი საჯარო წერილი ცნობილი ფრაზით დაასრულა:

"გახსოვდეთ, ყველაფრის მიუხედავად, ბეისბოლის მოთამაშეები არ ტირიან".

ამ ცნობილ ფრაზას მსახიობი 1992 წელს გამოსულ ფილმში A League of Their Own-ში ამბობს:

12 მარტს ჰოლივუდის ამ სახელგანთქმულმა ვარსკვლავმა ინფორმაცია გაავრცელა, რომ ავსტრალიაში ყოფნისას მასა მის ცოლს, რიტა უილსონს კორონავირუსი დაუდასტურდათ:

"დაღლილობას ვგრძნობდით, თითქოს გავცივდით და სხეულში რაღაც ტკივილები გვქონდა. რიტას მცირე შემცივნება ჰქონდა ხოლმე. ასევე ცხელებასაც ვგრძნობდით".

მსახიობი ავსტრალიაში ახალი ფილმის გადაღებებზე იმყოფებოდა, ამჟამად კი იზოლაციაში იმყოფება ცოლთან ერთად და ექიმების მეთვალყურეობის ქვეშ მკურნალობს.