საკულტო მანგას Death Note-ის შემქმნელებმა ახალი წიგნი გამოუშვეს, რომელიც Viz Media-ს პარტნიორ საიტზე MANGA Plus უფასოდ შეგიძლიათ წაიკითხოთ.

იაპონური მანგას, სიკვდილის რვეულის ავტორი ცუგუმი ობაა, ილუსტრატორი კი — ტაკეში ობატა. ახალ წიგნში სიუჟეტი თანამედროვე სამყაროში ვითარდება და ლაით იაგამი უკვე რამდენიმე წლის გარდაცვლილია.

რიუკი ტექნოლოგიურად განვითარებულ დედამიწაზე ბრუნდება და ახალი კირას ძიებას იწყებს. ის პოულობს ბიჭს, სახელად მინორუ ტაკაგას, რომელსაც მაღალი IQ აქვს, თუმცა ტესტებში ქულებით ვერ ლიდერობს.

სიუჟეტის მიხედვით, როდესაც მინორუ სიკვდილის რვეულს იგდებს ხელში, ის ლაით იაგამისგან განსხვავებით მის გამოყენებაზე უარს იტყვის და სასიკვდილო რვეულის გაყიდვას გადაწყვეტს.

ორიგინალი მანგა 2004-2006 წლებში გამოვიდა.