მინისერიალში ან სატელევიზიო ფილმში საუკეთესო მსახიობი ქალის ნომინაციაში გამარჯვების შემდეგ, მიშელ უილიამსმა ოქროს გლობუსის სცენიდან ქალებს მოუწოდა, საკუთარ ინტერესები პირველ ადგილზე დააყენონ.

სამადლობელ სიტყვაში Fosse/Verdon-ის მსახიობმა ქალების თავისუფალი არჩევანის მნიშვნელობაზე ისაუბრა.

მადლობა ყველას, პირველ რიგში კი Fosse/Verdon-ის ოჯახს და ჰოლივუდის უცხოური პრესის ასოციაციას. როცა ამ ჯილდოს მსახიობს აძლევ, ითვალისწინებ მის მიერ მიღებულ გადაწყვეტილებებს მომენტიდან მომენტამდე, სცენიდან სცენამდე და დღიდან დღემდე. თუმცა ამ დროს ასევე ითვალისწინებ, მისი, როგორც პიროვნების გადაწყვეტილებებს — რას ასწავლიან მსოფლიოს, რას სწავლობენ თავად, რა დროს დებენ ამაში.

მადლობელი ვარ, რომ გაითვალისწინეთ ის არჩევანი, რომელიც მე გავაკეთე და ასევე მადლიერი ვარ, რომ ვცხოვრობ იმ დროსა და საზოგადოებაში, სადაც არჩევანი არსებობს. რადგან ქალებისა და გოგოების ცხოვრებაში მათ სხეულს შეიძლება ისეთი რამ დაემართოს, რაც მათი არჩევანი არ ყოფილა.

ყოველთვის ვცდილობდი მეცხოვრა ჩემი გადაწყვეტილებებით და არა იმ მოვლენებით, რომლებიც უბრალოდ ხდებოდა ჩემს ცხოვრებაში.

როდესაც უკან ვიყურები, ვცნობ ჩემს ხელნაწერებს, ზოგი მათგანი ქაოსური და ბატიფეხურია, ზოგი — ფრთხილი და ზუსტი, მაგრამ თითოეული მათგანი მე მეკუთვნის და ჩემი ხელითაა შექმნილი. და ამას ვერ შევძლებდი, რომ არა ქალის არჩევანის თავისუფლება, გააჩინონ ბავშვები როცა უნდათ და ვისთანაც უნდათ.

როცა ვგრძნობდი, რომ მხარს მიჭერდნენ და საშუალება მქონდა დამებალანსებინა ჩვენი ცხოვრება, ვიცოდი, ისევე როგორც ყველა დედამ იცოდა, რომ სასწორი ჩვენი შვილებისკენ გადაიხრებოდა. ახლა ვიცი, რომ ის არჩევანი, რომელიც მე გავაკეთე, შეიძლება თქვენი გადაწყვეტილებებისგან განსხვავდება, მაგრამ მადლობა ღმერთს, ან იმას, ვისთვისაც ლოცულობთ, იმ ქვეყანაში ვცხოვრობთ, რომლებიც აგებულია თავისუფლების პრინციპებზე, ვიცხოვროთ ყველამ ჩვენ-ჩვენი რწმენით.

ქალებო, 18-დან 118 წლამდე, როდესაც ხმის მიცემის დროა, გთხოვთ თქვენი საკუთარი ინტერესები გაითვალისწინეთ. ამას აკეთებდნენ კაცები წლების განმავლობაში და ამიტომ ჰგავს ჩვენი სამყარო მათ. მაგრამ არ დაგავიწყდეთ, რომ როცა ამ ქვეყანაში ხმის მიცემის დრო დგება, ჩვენ უმრავლესობა ვართ. გავხადოთ სამყარო ჩვენი მსგავსი.

ტომი და მატილდა, ერთი სული მაქვს სახლში თქვენთან დავბრუნდე.

ნახეთ უილიამსის გულწრფელი სამადლობელი სიტყვა სრულად:

ასევე იხილეთ: