ესპანურმა მოდის სახლმა ბალენსიაგამ ნიუ-იორკელ არტისტთან, ჰარი ნურიევთან კოლაბორაციით ტახტი გამოუშვა, რომელიც ბალენსიაგას დაწუნებული ტანსაცმლითაა შეფუთული.

ჰარი ნურიევი წარმოშობით რუსეთიდანაა და ის ცნობილია თავისი ჭკვიანური და საინტერესო არქიტექტურითა და დიზაინით. ბალენსიაგას ტახტის შესაქმნელად მას ორი თვე დასჭირდა. ახალი ფერადი მოდელი 3 დეკემბერს, მაიამიში გამართულ დიზაინერების ფორუმზე იქნება წარმოდგენილი.

მოდის სახლები, ხშირად, დაწუნებულ კოლექციებს ანადგურებენ, თუმცა დემნა გვასალიამ გარემოს გასაუმჯობესებლად მათი ხელმეორედ გამოყენება გადაწყვიტა. თავად ნურიევმა, ტახტის შესაქმნელად ასევე გადამუშავებული ნივთები გამოიყენა. ტახტზე გამჭვირვალე მასალაა გადაკრული, რომლის მიღმაც ბალენსიაგას სახელით დაბეჭდილი სამოსი ჩანს.