ფილმებიდან The Ghostbusters და Lost In Translation ცნობილ ამერიკელ მსახიობს, ბილ მიურეის 19 ოქტომბერს რომის საერთაშორისო კინოფესტივალზე კინოში შეტანილი წვლილისთვის საპატიო ჯილდო გადასცეს.

სანამ დაჯილდოების ცერემონიალი გაიმართებოდა, მანამდე მიურეი ამ მნიშვნელოვან ფაქტთან დაკავშირებით გამართულ სპეციალურ კონფერენციას ესწრებოდა, სადაც მედიის წარმომადგენლებს ხვდებოდა. გავრცელებული ინფორმაციის თანახმად, 69 წლის მსახიობს სწორედ ამ საჯარო შეხვედრაზე ჩაეძინა.

მსახიობის გულშემატკივრებისთვის, რომელმაც თავი საოცრად კომიკური როლებით დაგვამახსოვრა, ეს ფაქტი მეტისმეტად უჩვეულო არ იქნება. პრესკონფერენციაზე ტკბილად გამოძინების შემდეგ კი ბილ მიურეი დაჯილდოების ცერემონიალზე გამოცხადდა, სადაც საპატიო ჯილდო ცნობილმა რეჟისორმა, უეს ანდერსონმა გადასცა.

დაჯილდოებას ასევე ესწრებოდა მსახიობი ფრენსის მაკდორმანდი, რომელიც საჯაროდ სიტყვითაც გამოვიდა:

"მხარში ვუდგავარ ბილს, რადგან იმავეს აკეთებს ის ჩემთვის", - განაცხადა მსახიობმა.

იმედი გვაქვს, ბევრისთვის საყვარელი მსახიობი კიდევ უფრო მეტი ახალი როლით გაგვანებივრებს ერთგულ მაყურებლებს.