ნიუ-იორკში გუშინ, 15 ოქტომბერს გუგლმა თავისი სმარტფონის, Pixel-ის ორი განახლებული მოდელი წარადგინა — Pixel 4 და Pixel 4 XL.

ერთ-ერთი სიახლე ის არის, რომ მრავალფეროვნების მოყვარული ადამიანებისთვის ამ სმარტფონის ყიდვა სამ განსხვავებულ ფერში იქნება შესაძლებელი.

თეთრი, შავი და ლიმიტირებული ფორთოხლისფერი გუგლის ტელეფონები ბაზარზე ოფიციალურად 24 ოქტომბრიდან გამოჩნდება და სავარაუდოდ, მათ შეძენას საქართველოშიც მალევე შეძლებთ.

"Pixel 4 ჩვენს მიერ შექმნილი საუკეთესო სმარტფონია. შეიყვარეთ და ისარგებლეთ გუგლის ინოვაციური ფუნქციებით, რადგან ამას ვერც ერთ სხვა ტელეფონში ნახავთ", — წერს გუგლის ტვიტერზე.

სმარტფონის შედარებით დიდ ვერსიის, Pixel 4 XL-ის ეკრანი 6,3 ინჩია, მაშინ, როცა მის მომცრო ვერსია ძველებური ზომის, 5,7-ინჩიანი ეკრანით არის აღჭურვილი. მასში ასევე Project Soli-ს ტექნოლოგიაა ჩაშენებული, რომლის შექმნაზეც გუგლი რამდენიმე წელი მუშაობდა. პროექტის მიზანი პატარა ჩიპში რადარული სისტემის ჩამონტაჟება იყო, რომელსაც თითების მოძრაობის მაღალი სიზუსტით აღქმა შეეძლებოდა.

გუგლი არ ჩამორჩა ტენდენციას და მის ახალ სმარტფონს ორი უკანა კამერა აქვს. ერთი 16-მეგაპიქსელანია, ხოლო მეორე 12-მეგაპიქსელიანია. გაუმჯობესებულია ღამის გადაღების რეჟიმიც. ანაბეჭდის სენსორის ნაცვლად კი ამჯერად ის Face Id-ით არის აღჭურვილი.

ორივე მათგანის ოპერატიული მეხსიერება 6 გიგაბიტი, ხოლო შიდა მეხსიერება 64 or 128 გიგაბიტია.

იხილეთ ახალი სმარტფონის სრული ვიდეო მიმოხილვაც:

აქვე გეტყვით, რომ Pixel 4 $799, ხოლო Pixel 4 XL $899 ეღირება , რაც იმას ნიშნავს, რომ მიუხედავად დიდი კონკურენციისა, გუგლის ახალი პროდუქტი ბაზარზე საკმაოდ სოლიდური ფასებით იქნება წარმოდგენილი.