ბოლო რამდენიმე ათწლეულის შემდეგ, ირანელ ქალებს პირველად მიეცათ უფლება ფეხბურთის მატჩს დასწრებოდნენ და თამაშისთვის თვალი სტადიონიდან ედევნებინათ. ქალებისა და კაცების ადგილები გამოყოფილი იყო.

ცვლილებას წინ უძღოდა Fifa-ს მუქარა, რომელმაც ისლამური რესპუბლიკას მოსთხოვა კაცებზე მორგებული პოლიტიკა შეეცვალა, თორემ მსოფლიო თასზე დაბლოკავდა.

ირანში სტადიონებზე მაყურებლად დასწრება ქალებს 40 წელია ეკრძალებათ. 1979 წლის ისლამური რევოლუციის შემდეგ, რელიგიურმა პირებმა ქალებს გადაუწყვიტეს, რომ მასკულინური ატმოსფერო და ნახევრად ჩაცმული კაცები საფრთხეს წარმოადგენენ, რომლებისგანაც ისინი "დაცულები უნდა ყოფილიყვნენ".

სექტემბრის დასაწყისში, ქალმა, რომელმაც მატჩზე დასასწრებად ბიჭივით ჩაიცვა, იმის შიშით, რომ ციხეში ჩასვამდნენ ცეცხლი წაიკიდა და დაიღუპა. ამ ამბავს მოჰყვა ფიფას მოთხოვნაც, აკრძალვის გაუქმების შესახებ.

სპორტის ჟურნალისტი რაჰა ფურბაშის თქმით, ჯერ კიდევ არ სჯერა, რომ პირადად ნახავს და გამოცდის იმას, რასაც აქამდე ტელევიზორიდან აკვირდებოდა და ისე გადმოსცემდა.