სასახლე, რომელშიც სერიალი დინასტია გადაიღეს $15,6 მლნ-ად გაიყიდა

90-იანების საპნის ოპერების ქართველ მაყურებელს აუცილებლად ემახსოვრება კალიფორნიის ქალაქ პასადენაში მდებარე სასახლე, რომელშიც ლეგენდარული ჯოან კოლინზისა და ლინდა ევანსის გარდა სრულიად ქერინგტონების საგვარეულო ცხოვრობდა.

სასახლე, რომელშიც სერიალ დინასტიის 202 ეპიზოდში ჩანს ბაზარზე რამდენიმე წლის განმავლობაში ელოდა ახალ მფლობელს და ის საბოლოოდ 15 579 500 დოლარად გაიყიდა. მყიდველის ვინაობა უცნობია.

სასახლის თავდაპირველი ფასი 2017 წელს 28 მილიონი დოლარი იყო, თუმცა ის 2019 წლის დასაწყისში 19 მილიონზე დაეცა და საბოლოოდ თითქმის ნახევარ ფასად გაიყიდა.

4-სართულიანი შენობა 1913 წელს არქიტექტურულმა ფირმამ ააშენა და მასში ექვსი საძინებელი და ცხრა აბაზანაა. ექსტრავაგანტული საცხოვრებელი მოიცავს სათამაშო ოთახებს, ღვინის მარანს, სამხატვრო ოთახს, საოფისე სივრცეებს და ა.შ. სასახლის ეზოში არის ჩოგბურთის კორტები, ორი საცურაო აუზი და დუმფარებით სავსე ცნობილი გუბურა.