ჯანუკა გარდენი საოჯახო ტიპის სასტუმროა, რომელიც ადგილობრივ და უცხოელ ტურისტებს აგროტურიზმს, საცხენოსნო ტურებსა და სხვადასხვა ტიპის მომსახურეობას სთავაზობს.

ჩვენი ყურადღება კი კომპანიის ფეისბუქ გვერდზე დადებულმა პოსტმა მიიქცია, სადაც ჯანუკა გარდენის ეზოში სხვადასხვა ფერისა და ფორმის სალათის ფოთლების ნერგებით საქართველოს დროშაა გამოსახული.

"ზოგადად, ყაზბეგს ბევრი უცხოელი ტურისტი სტუმრობს. ჩვენ კი მაქსიმალურად ვცდილობთ სტუმრებს ჩვენი ქვეყანა დადებითად დაამახსოვრდეთ და ამასთან, არასოდეს დაავიწყდეთ, რომ იმყოფებიან საქართველოში — ერთიან, დამოუკიდებელ და დემოკრატიულ ქვეყანაში. ყაზბეგი ამ მხრივ ძალიან ბევრ შესაძლებლობას იძლევა.

ვინაიდან ჩვენი სტუმრები დაინტერესებულნი არიან აგროტურიზმით, სალათის ფურცლებით შექმნილი დროშის იდეაც აქედან წამოვიდა. დროშის შექმნაში გამოყენებულია: ლოლა ბიონდა, ლოლა როსა, რომეინი, აისბერგი, სხვადასხვა სახის მწვანილი, ბროკოლი, უეკლო მაყვალი და ჟოლო", — ამბობს კახაბერ ჯანუყაშვილი On.ge-სთან საუბრისას.