ჯიპიაი ჰოლდინგმა ჯანსაღი ცხოვრების პოპულარიზაციისთვის ახალი კამპანია დაიწყო და ეკოისტების მოძრაობა ჩამოაყალიბა. კამპანიის ფარგლებში განახლდა ჯიპიაის აპლიკაცია MyGPI, რომლის მეშვეობითაც მომხმარებლებს ჯანსაღი ცხოვრების წესით ეკომონეტების გამომუშავება შეუძლიათ.

  • ეკომონეტების გამომუშავება ყველა მსურველს 5 ეკოქცევით შეუძლია;
  • ჯიპიაი ჰოლდინგის დაზღვეულებს კი დამატებით უგროვდებათ ეკომონეტები დაზღვევაში გადახდილი თანხიდან - თანხის 10%მდე;

"ჩვენი ლოიალობის პროგრამა ორ მიმართულებას მოიცავს: პირველი - ეს არის ჩვენი ლოიალური კლიენტების წახალისება და მათთვის გრძელვადიანად განსაკუთრებული პირობების შეთავაზება. უკვე ერთი წელია ჩვენს ერთგულ კლიენტებს დაზღვევაში გადახდილი თანხის გარკვეული პროცენტი (10%-მდე) უგროვდებათ, რაც საკმაოდ სოლიდური თანხა გამოდის. და მეორე, ახალი მიმართულება - როცა აპლიკაციის საშუალებით მომხმარებლებს დამატებით ვაძლევთ საშუალებას , თანხა ჯანსაღი ცხოვრების წესითაც გამოიმუშავონ", - ამბობს სანდრო კიკნაძე, ჯიპიაი ჰოლდინგის სტრატეგიული განვითარების დირექტორი:

ეკოქცევებით გამომუშავებული თანხა ეკომონეტების სახით გროვდება და მისი დახარჯვა დაზღვევაშია შესაძლებელი.

"ეკომონეტები უკვე დიდი პოპულარობით სარგებლობს ჩვენს დაზღვეულებში და დარწმუნებულები ვართ, ეს სიახლე - წახალისება ეკოქცევებით - ჩვენთან ურთიერთობის კიდევ უფრო მეტ მოტივაციას გაუჩენს მათ", - დაამატა სანდრო კიკნაძემ.

ეკოქცევა 5 ეკოაქტივობას მოიცავს:

  • ვარჯიში;
  • 10 ათასი ნაბიჯი დღეში;
  • 2 ლიტრი წყალი დღეში;
  • ველოსიპედის შეძენა;
  • ავტომობილის გამონაბოლქვი: ევროსტანდარტი.

ეკოქცევით თანხის გამომუშავება არამხოლოდ ჯიპიაი-ს დაზღვეულებს, არამედ ყველა მსურველს შეუძლია. ჯანსაღი ცხოვრების ვალუტის - ეკომონეტების გამომუშავება ეკოქცევების აპლიკაციით დაფიქსირებით ხდება. MyGPI ხელმისაწვდომია როგორც iOS, ისე Android მომხმარებლებისთვის და საკმარისია მხოლოდ ავტორიზაციის გავლა, რომ დაგროვება იმავე დღეს დაიწყოს.

ეკოისტების მოძრაობას საზოგადოებისთვის კარგად ნაცნობი სახეებიც შეუერთდნენ. კამპანიის პრეზენტაციას ესწრებოდნენ კრეატიული სააგენტო "ლივინგსტონის" აღმასრულებელი პროდიუსერი მელი ბაღდავაძე, ავტომბროლელი დათა ქაჯაია, სამოქალაქი აქტივისტი გიგა მაქარაშვილი, ვლოგერი სალომე კასრაძე და სხვა.

ისინი აქტიურ პროპაგანდას უწევენ ჯანსაღი ცხოვრების წესს, თუმცა ამჯერად ეკოჯარისკაცების სახელით შეეცდებიან ადამიანებში იმავეს პოპულარიზაციას.

"ეკოისტობის იდეის პოპულარიზებაში ჩვენი ეკოჯარისკაცები დაგვეხმარებიან. თითოეული ეკოქცევას საკუთარი ეკოჯარისკაცი ჰყავს - ეს ის ხალხია, ვინც იბრძვის გარემოს დაცვისთვის ან ჯანსაღი ცხოვრების წესის დამკვიდრებისთვის", - თქვა თინათინ სტამბოლიშვილმა, "ჯიპიაი ჰოლდინგის" კომუნიკაციების დირექტორმა.

ეკოისტების მოძრაობის აქტივობა ფეისბუქ ჯგუფში ეკოისტები | Ecoists გაიშლება, რომელიც იქნება სივრცე ჯანსაღი ცხოვრების წესისა და გარემოს დაცვასთან დაკავშირებული საკითხების გასააქტიურებლად. ჯგუფი ეკოისტებს გააერთიანებს და სხვადასხვა სასარგებლო წამოწყებას ჩაუყრის საფუძველს. ჯგუფში გაწევრიანება და გარემოს უკეთესობისკენ შეცვლაში ჩართვა ყველას შეუძლია.