შეიძლება, მოგბეზრდათ კიდეც იმაზე საუბარი როგორ მძიმედ გადაიტანეს ფანებმა Game Of Thrones-ის ფინალი, მაგრამ დღევანდელი მსოფლიოს რეალობა ეს არის და ვერსად გავექცევით. სერიალის დასასრული მძიმე აღმოჩნდა მსახიობებისა და პროდიუსერებისთვისაც.

ამ გაწამაწიაში ყველას დაგვავიწყდა რას ფიქრობდა და გრძნობდა საგის ავტორი ჯორჯ მარტინი, რომელმაც საკუთარი პირმშო სახეშეცვლილი იხილა ეკრანებზე. მწერალმა თავად შეგვახსენა თავი და შეაფასა სერიალის ფინალი.

"უკანასკნელი ღამე. უკანასკნელი შოუ. რვა ეპიკური სეზონის შემდეგ Game Of Thrones დასრულდა. სიმართლე გითხრათ რთული დასაჯერებელია, რომ ყველაფერი დასრულდა. წლები თვალის დახამხამებაში გაფრინდა", — წერს საკუთარ ბლოგზე მარტინი.

თვალის დახამხამებას რას ეძახის ვერ გეტყვით, რადგან უკვე წლებია ალოდინებს ფანებს და ახალი წიგნს არ აქვეყნებს. თუმცა, კრიტიკისთვის დროებით დავინდოთ, რადგან ერთი საინტერესო დეტალი გაგვიმხილა. მან ისაუბრა იმაზე როგორ და რატომ აირჩია დევიდ ბენიოფი და დი ბი ვაისი მისი საგის გადასაღებად.

"ნუთუ ათი წელი გავიდა მას შემდეგ, რაც ჩემმა მენეჯერმა ვინს ჯერარდისმა ლოს-ანჯელესში შეხვედრა დამიგეგმა, სადაც პირველად ვნახე დევიდ ბენიოფი და დი ბი ვაისი. შეხვედრა ლანჩზე დაიწყო და სადილის შემდეგაც გაგრძელდა", — წერს ის.

მზად ხართ გაიგოთ როგორ გადაწყვიტა მარტინმა მათთან თანამშრომლობა?

ფოტო: HBO

დარწმუნებული ხართ საკუთარ გადაწყვეტილებაში?

ფოტო: HBO

ჩვენ გაგაფრთხილეთ!

"მე ვკითხე მათ იციან თუ არა ვინ არის ჯონ სნოუს დედა. საბედნიეროდ, მათ იცოდნენ. ასე დაიწყო ყველაფერი", — წერს მარტინი.

ფოტო: HB

წარმოდგენაც კი არ გვინდა რას ფიქრობენ ახლა ის ფანები, რომლებსაც ვაისისა და ბენიოფის შემოქმედება არ მოეწონათ. თურმე, რამდენ მათგანს ჰქონდა შანსი თავად გადაეღო სერიალი და აეხდინა ის ათეულობით თეორია, რომელთა უგულებელყოფაზეც ასე შესტკივა გული. ბოლოს და ბოლოს დასაწყისშივე გაერკვა ყველა ერთგული გულშემატკივარი იმაში, რომ ჯონი ლიანა სტარკის შვილი იყო.