არც კი ვიცით ასეთი სპოილერისთვის როგორ შეგამზადოთ. ფრთხილად!

ფოტო: HBO

დეინერის ტარგარიენმა მეფის სავანე აიღო და ბოლოს და ბოლოს, იხილა რკინის ტახტი. განადგურებულ, ფერფლით დაფარულ დიდ დარბაზში მან ოცნება აისრულა, ოღონდ ნაწილობრივ. ის შეეხო რკინის ტახტს, მაგრამ ვერ დაჯდა.

ეს სიუჟეტი ხომ არაფერს გაგონებთ? დიახ, ეს ყველაფერი ჯერ კიდევ ფინალურ სერიამდე ვნახეთ დეინერისის ხილვაში.

როცა კჰალისი ქვართში ჯადოქრების სახლში დაიკარგა, ის მეფის სავანეში დიდ დარბაზში აღმოჩნდა. მაშინ პირველად იხილა რკინის ტახტი. მაშინ პირველად გამოჩნდა გადათეთრებული დარბაზი, რომელიც ღამის მეფის გამარჯვების სიმბოლო გვეგონა და თურმე, დეინერისის ნამოქმედარი ყოფილა.

პროდიუსერებმა ძველი სცენიდან რამდენიმე კადრი გააცოცხლეს და თითქმის იდენტური სიზუსტით გვაჩვენეს. თუმცა, იყო განსხვავებული მომენტებიც, რაც ამ სცენას თავის ხიბლს ჰმატებდა. მათ შორისაა დარბაზის ვიზუალი, რომელიც ფინალურ სერიაში უფრო მეტადაა დაზიანებული, ვიდრე დეინერისის ხილვაში.

თავად შეადარეთ:

ფოტო 2: HBO

ფოტო 1: HBO / ფოტო 2: HBO

ხილვისგან განსხვავებით, ფინალურ სერიაში დეინერისი რკინის ტახტს ეხება და დაჯდომასაც აპირებს, მაგრამ დარბაზში ჯონს ხედავს.

ფოტო: HBO

შეგახსენებთ, რომ ხილვაში ის სატახტო დარბაზიდან გასვლის შემდეგ თავის პირველ სიყვარულს დროგოს და მათ სავარაუდო შვილს ხედავს. ამჯერადაც მან ტახტზე დაჯდომა საყვარელი კაცის გამო გადადო.

ფოტო: HBO

ამის შემდეგ, ფინალურ სერიაში ბევრი ლამაზი და სიმბოლური კადრი იყო, რომელიც არაფერ შუაშია დეინერისის ხილვასთან, მაგრამ აუცილებლად უნდა ნახოთ.

დედოფლის მკვლელი

ფოტო: HBO

უკანასკნელი დრაკონები

ფოტო: HBO

შურისმაძიებელი დროგონი

ფოტო: HBO

ეპოქის დასასრული

ფოტო: HBO