ავსტრალიის სარეზერვო ბანკის განცხადებით, ქვეყანაში $50-იანი კუპიურები ტაიპოთი დაბეჭდეს. ჯამში 46 მილიონი ცალი ქაღალდის ფული მთელ ქვეყანაში მართლწერის შეცდომით გავრცელდა.

ავსტრალიამ ახალი და გაუმჯობესებული ბანკნოტი 2018 წლის ოქტომბერში წარადგინა. ახალი ტექნოლოგიების გამოყენებით, მისი დიზაინი კუპიურას ყალბისგან მარტივად განასხვავებდა.

თუმცა, ერთ-ერთი ნიშანი, რომელიც ყალბ კუპიურას ნამდვილისგან გამოარჩევს, მასზე არსებული შეცდომაა, რომელიც სწორედ ახალ ბანკნოტებზე "გაეპარათ". შეცდომა სიტყვაში responsibility [პასუხისმგებლობა] იყო დაშვებული და მის ნაცვლად responsibilty ეწერა.

"დიდი პასუხისმგებლობაა ჩემთვის, როგორც ერთადერთი ქალის არჩევა და მსურს, რომ ხაზი გავუსვა სხვა ქალების აქ ყოფნის მნიშვნელობას", — ეს ფრაზა 1921 წელს ავსტრალიის პირველმა პარლამენტარმა ქალმა, ედიტ ქოუენმა, არჩევის შემდეგ წარმოსთქვა.

მისი წარწერა კუპიურაზე 1995 წლიდანაა.

ავსტრალიის ბანკის განცხადებით, 50-დოლარიანი კუპიურა ყველაზე ხშირად მოხმარებადი ბანკნოტია ქვეყანაში და მის უშეცდომო ვერსიას უახლოეს მომავალში დაბეჭდავენ.