ამერიკელმა პოპვარსკვლავმა ბრიტნი სპირსმა მკურნალობა ფსიქიატრიულ დაწესებულებაში დაიწყო. ინფორმაციას Variety-ის წყარო უდასტურებს.

ძლიერი ემოციური სტრესის მიღების შემდეგ, 37 წლის ვარსკვლავი მკურნალობის 1-თვიან კურსს გაივლის.

ახალი ამბების პარალელურად, სპირსმა ინსტაგრამზე ციტატა გამოაქვეყნა, რომ გონებისა და სხეულის მოვლა მნიშვნელოვანია, წარწერით:

"ყველას გვჭირდება დრო საკუთარი თავისთვის".

სპირსის ფსიქიკური ჯანმრთელობის გაუარესების ერთ-ერთი მიზეზი მისი მამის, ჯეიმს სპირსის მდგომარეობაა. მას ბოლო პერიოდის განმავლობაში რამდენიმე ოპერაციის გადატანა მოუხდა.

"რამდენიმე თვის წინ, მამაჩემი საავადმყოფოში გადავიყვანეთ. ის თითქმის გარდაიცვალა. ძალიან მადლიერები ვართ, რომ ის ავადმყოფობას ცოცხალი გადაურჩა, თუმცა გამოჯანმრთელებისთვის კიდევ გრძელი გზა აქვს გასავლელი. მიწევს მძიმე გადაწყვეტილების მიღება. ახლა მთელი ენერგია და ყურადღება ჩემი ოჯახის კეთილდღეობისკენ უნდა მივმართო", - დაწერა სპირსმა იანვარში ინსტაგრამზე.