სასექსის ჰერცოგინიამ ქალთა საერთაშორისო დღისადმი მიძღვნილ შეხვედრაზე თქვა, რომ სურს მისი შვილი ფემინისტი იყოს.

"კაცებმა უნდა გაიგონ, რომ მათაც შეუძლიათ იყვნენ ფემინისტები და ეს აუცილებელიც არის. ჩვენ ერთობლივი ძალებით უნდა მივაღწიოთ თანასწორობას", - თქვა მეგანმა.

შეხვედრის დროს მეგანმა ფემინიზმის აუცილებლობაზეც ისაუბრა და თქვა, რომ თანამედროვე სამყაროში ქალებს ჯერ კიდევ ბევრი ბრძოლა უწევთ თავიანთი უფლებებისთვის.

გარდა ამისა, მარკლმა ისაუბრა, რომ სხვადასხვა გამოცემები ცდილობენ, რომ სიტყვა ფემინიზმს სკანდალურობის ელფერი შესძინონ, რაც ოცდამეერთე საუკუნეში წარმოუდგენელია.

სასექსის ჰერცოგინია მეგან მარკლი შვიდი თვის ორსულია. სამეფო ოჯახის ახალი წევრი 2019 წლის გაზაფხულზე დაიბადება.

ჰარისა და მეგანის შვილი რიგით მეშვიდე იქნება მათ შორის, ვისაც შესაძლოა სამეფო ტახტი ერგოს.