დიდი ხნის მოლოდინის შემდეგ, როგორც იქნა, ტესლამ აშშ-ში Model 3-ის $35 000-იანი ვარიანტის გაყიდვა დაიწყო.

ამჟამად კომპანია Model 3-ის რამდენიმე სხვადასხვა ვერსიას ყიდის. ამ დრომდე, ყველაზე დაბალფასიანი მოდელი $42 900-დან იწყებოდა.

ამიერიდან Model 3-ის სტანდარტული ვარიანტის ფასი $35 000 იქნება, მისი მაქსიმალური სიჩქარე საათში 210 კილომეტრი იქნება, ნულიდან ასამდე ასაჩქარებლად კი მას 5,6 წამი სჭირდება. ერთი დატენვით მანქანას 354 კილომეტრის გავლა შეუძლია. ტესლა ასევე ანახლებს გაძლიერებული ელემენტის მქონე მოდელსაც, რომლის ფასიც $37 000-დან იწყება, ის ერთი დატენვით 386 კილომეტრს ფარავს.

Model 3-ის ახალ ვერსიებს შუშის სახურავი ექნება, რაც თავდაპირველად დაგეგმილი არ იყო, თუმცა მანქანას სავარძლების გასწორების ელექტრონული სისტემა არ ექნება. მანქანა შავ ფერში იქნება ხელმისაწვდომი, სხვა ფერების დამატება კი მის ფასს გაზრდის. ილონ მასკის თქმით, ტესლას ახალი ბიუჯეტური მოდელები ევროპასა და ჩინეთში დაახლოებით 3-6 თვეში გახდება ხელმისაწვდომი.

"დასაწყისიდანვე აღნიშნული მოდელის გამოშვება ჩვენი უმთავრესი მიზანი იყო. ეს შესანიშნავი მანქანაა", - განაცხადა მასკმა.

ახალი მოდელების შეძენა ტესლას ვებგვერდზე უკვე შეგიძლიათ, აღსანიშნავია ISIC, რომ ამიერიდან ტესლას შეძენა მხოლოდ ინტერნეტის საშუალებით იქნება შესაძლებელი. კომპანია მსოფლიოს მასშტაბით მაღაზიებს ხურავს, რის შედეგადაც ტესლა მოდელების გაყიდვას ექვსი პროცენტით უფრო იაფად შეძლებს, სწორედ ამ გადაწყვეტილების გამო შეძლო კომპანიამ Model 3-ის ფასის $35 000-მდე შემცირება.

კომპანია მხოლოდ მცირე რაოდენობის მაღაზიებსა და გალერეებს შეინარჩუნებს. ეს ნიშნავს იმას, რომ კომპანიას მრავალი თანამშრომლის დათხოვნა მოუწევს.

"ჩვენთვის ამჟამად არ არსებობს არცერთი სხვა გზა, რომლითაც თანხის დაზოგვას და მანქანებზე ფასების შემცირებას შევძლებთ. სამწუხაროდ ეს ერთადერთი გამოსავალია, სხვა შემთხვევაში კომპანია ფინანსურად მომგებიანი ვერ იქნება", - აცხადებს მასკი.

მასკმა ზუსტად არ დაასახელა, თუ რამდენი თანამშრომელი დატოვებს კომპანიას, თუმცა მან განაცხადა, რომ ტესლა სერვის ცენტრების რაოდენობას გაზრდის, რის შედეგადაც შესაძლოა კომპანიაში თანამშრომლების რაოდენობა საბოლოო ჯამში გაიზარდოს კიდეც.

ახალი წესების მიხედვით, ტესლას შეძენისას მომხმარებლებს მანქანის დაბრუნება ყიდვიდან შვიდი დღის განმავლობაში, ან 1 600 კილომეტრის გავლამდე შეეძლება.

Model 3 კომპანიამ პირველად 2016 წელს წარადგინა, მისი სამიზნე ფასი ყოველთვის $35 000 იყო, თუმცა ამ დროის განმავლობაში ტესლა იძულებული იყო, უფრო ძვირადღირებული მოდელები გეყიდა - მასკის თქმით, სხვა შემთხვევაში კომპანია "დაიღუპებოდა".

2018 წლის მესამე და მეოთხე კვარტალში Model 3-ის ძვირადღირებული მოდელების წყალობით ტესლა მოგებაზე ორი წლის განმავლობაში პირველად გავიდა.

უკვე რამდენიმე წელია მომხმარებლები და ინვესტორები ტესლასგან Model 3-ის $35 000-იან ვარიანტს დიდი ხანია ელიან, რის გამოც კომპანია დიდი წნეხის ქვეშ იყო.

"ამ მანქანის შექმნა 35 000 დოლარად შექმნა წარმოუდგენლად რთულია. მომავალში შეიძლება შეიქმნას უფრო იაფი მოდელებიც, თუმცა ეს მომდევნო მინიმუმ ორი ან სამი წლის განმავლობაში არ მოხდება", - აცხადებს მასკი.