GOT-ის ფინალური სეზონიდან პირველი ფოტოები გავრცელდა

მაშინ როცა თითქმის მთელი მსოფლიო ზამთრის დასრულებას სულმოუთქმელად ელის GOT-ის ფანებისთვის ზამთარი ორ თვეში დგება. სამეფო კარის თამაშების ფინალური სეზონის პრემიერა HBO-ზე 14 აპრილს შედგება.

HBO-მ სერიალის ფინალური სეზონიდან პირველი ფოტოები გაავრცელა.

სამწუხაროდ, ფოტოები არ გვაძლევენ ინფორმაციას იმის შესახებ, თუ რას უნდა ველოდოთ ფინალურ სეზონში, მაგრამ, ცხადია რომ ეს პერსონაჟები ყინულისა და ცეცხლის ომში გადამწყვეტ როლს ითამაშებენ.

ემის ისტორიაში ყველაზე მეტჯერ ნომინირებული სერიალის ფინალის გადასაღებად არხმა იმაზე ორჯერ მეტი თანხა გადაიხადა, ვიდრე ამას წინა სეზონში აკეთებდა. თანხის ზრდის მიზეზი გახდა ის ბატალური სცენები, რომლებსაც სერიალის ფინალში ვიხილავთ. ამ კონკრეტული ეპიზოდის გადაღებები 55 დღე გრძელდებოდა.

გარდა ამისა, გასათვალისწინებელია მსახიობების ანაზღაურებაც. როგორც იცით GOT-ის მსახიობები ტელევიზიის ისტორიაში ყველაზე მაღალანაზღაურებადი მსახიობები გახდნენ. ლინა ჰიდი, პიტერ დინკლეიჯი, ემილია კლარკი, კიტ ჰარინგტონი და ნიკოლაი კოსტერ-ვალდაუ HBO-სთან გაფორმებული ახალი კონტრაქტის მიხედვით სერიალის თითო ეპიზოდში $2,5 მილიონს მიიღებენ.

მოულოდნელი არავისთვისაა, მაგრამ არხის პროდიუსერმა დაადასტურა ისიც, რომ ფინალურ, მერვე სეზონში სერიალის რამდენიმე მთავარი პერსონაჟი კვდება.

"წინასწარ არც ერთ მსახიობს არ ჰქონდა წაკითხული სცენარი და ხმამაღალი კითხვის დროს სათითაოდ იგებდნენ, რომ მათი პერსონაჟი მოკვდა", — ამბობს ფრანცესკა ორსი.

ამავე თემაზე:

ბოლო ამბები:

გირჩევთ

GOT-ის ფინალური სეზონიდან პირველი ფოტოები გავრცელდა

კომენტარები

კვირის ტოპ-5

გირჩევთ

ახლა კითხულობენ

იაპონიაში ძილის კონკურსი გაიმართა — გამარჯვებულმა ¥2,22 მილიონი მიიღო