ბრედ პიტისა და შარლიზ ტერონის ურთიერთობის შესახებ უკვე რამდენიმე დღეა ყველა უცხოური ტაბლოიდი წერს.

ინფორმაცია თავდაპირველად Sun-მა გაავრცელა. გამოცემის წყაროს ამტკიცებდა, რომ ჰოლივუდის ორ ვარსკვლავს რომანი აქვს.

ტერონი-პიტის გარშემო ატეხილ აჟიოტაჟს გამოეხმაურა People-ც და საკუთარ წყაროზე დაყრდნობით წერენ, რომ გასულ წელს კინოინდუსტრიის ეს ორი გამორჩეული სახე ნამდვილად შეხვდა ერთმანეთს, თუმცა, არა პაემანზე, არამედ გადასაღებ მოედანზე.

"ექვსი თვის წინ მათ გადაღებები ჰქონდათ, შესაბამისად დროს ნამდვილად გაატარეს ერთად. ამის შემდეგ მათ არანაირი კონტაქტი არ ჰქონიათ, არ ყოფილა არავითარი პაემანი. ყველა ამბავი, თითქოს მათ რომანი აქვთ, სიცრუეა", - ამბობს გამოცემის წყარო.

ბრედმა და შარლიზმა გასულ წელს მართლაც მიიღეს მონაწილეობა Breitling-ის რეკლამაში, მათთან ერთად კამპანიის სახე იყო ადამ დრაივერიც.

კამპანიის ფარგლებში გავრცელდა მათი საერთო ფოტოებიც:

რაც შეეხება პიტისა და ტერონის გარშემო ატეხილ ამბავს, მსახიობების წარმომადგენლებს ოფიციალური განცხადება არ გაუკეთებიათ.