HBO-მ რამდენიმე საათის წინ GOT-ის ფინალური სეზონის ახალი ტიზერი გაავრცელა და დააანონსა, რომ შოუს დასკვნითი ნაწილი 14 აპრილს გამოვა

დარწმუნებულები ვართ, რომ თქვენც, ისევე როგორც დანარჩენმა სამყარომ, ეს თითქმის ორ წუთიანი ტიზერი მინიმუმ ასჯერ მაინც ნახეთ

სწორედ ამიტომ, დროა, უკეთ განვიხილოთ, რისი ჩატევა მოასწრეს სერიალის შემქმნელებმა ამ ერთ პატარა კლიპში

როგორც ხედავთ, მერვე სეზონის პირველი ოფიციალური ტიზერის მთავარი პერსონაჟები არია, სანსა და ჯონ სნოუ არიან

ყველაზე მნიშვნელოვანი კი ის არის, რომ როგორც იქნა არია და ჯონი ხანგრძლივი განშორების შემდეგ ერთმანეთს ისევ შეხვდნენ. მათ საერთო სცენა პირველი სეზონის შემდეგ არ ჰქონიათ

ერთ-ერთი ამაღელვებელი სცენა იყო ის, როცა ჯონ სნოუ დედამისის, ლიანა სტარკის ძეგლის გვერდით ჩაივლის. სწორედ ამ დროს ისმის ლიანას მიერ ნედისთვის ნათქვამი ფრაზა - "შენ ის უნდა დაიცვა"

ამავე კადრში ჩანს ლიანას ხელიდან ჩამოვარდნილი ბუმბული

თუ არ გახსოვთ გეტყვით, რომ ეს ბულბული ლიანასთან ჯერ კიდევ პირველ სეზონში მიიტანა რობერტ ბარათეონმა

ფრთა კიდევ ერთხელ გამოჩნდა მეხუთე სეზონის მეოთხე სერიაში, როდესაც სანსა აკლდამას ლითლფინგერთან ერთად ეწვია

ალბათ, შეამჩნევდით იმასაც, რომ სანსას ვარცხნილობა დედამისის, კეტლინის ვარცხნილობას იმეორებს

უდაოდ ამაღელვებელი იყო სცენაც, როცა სანსამ პირველად გაუსწორა თვალი კეტლინის ძეგლს, თითქოს ამ ჟესტით დაუმტკიცა, რომ მისი ნატვრა აასრულა და ვინტერფელის ღირსეულ ლედიდ იქცა

ამ დროს კი კადრში კეტლინის ფრაზა ისმის, რომელიც ჯონ სნოუს უკავშირდება: "ყველა საშინელება, რომელიც ჩემს ოჯახს დაატყდა თავს, მოხდა იმიტომ, რომ დედის გარეშე დარჩენილი ბავშვი ვერ შევიყვარე"

კიდევ უფრო დრამატული იყო სცენა, როდესაც არია მშობლების ძეგლთან არ გამოჩნდა, ამით კიდევ ერთხელ გაესვა ხაზი იმას, რომ ის სტარკების ოჯახს აღარ ეკუთვნის და უსახო გოგოა

ამავე ტიზერში ვხედავთ ნედ სტარკის ძეგლთან მდგომ სნოუს და გვესმის ნედის ხმა: "შენ სტარკი ხარ. შესაძლოა ჩემს გვარს არ ატარებ, მაგრამ სისხლი სტარკების გაქვს"

შემდეგ კი ერთ-ერთი კულმინაციური მომენტიც დგება - სანსა, არია და ჯონი კვლავ ერთად არიან

ამ დროს კი ხდება ის, რაც ხდება

ისინი აკლდამაში თავიანთ ძეგლებს ხედავენ

სწორედ ამ დროს კი ზამთარიც დადგა

და ჯონი, სანსა და არია დიდი ბრძოლისთვის მზადყოფნას გამოთქვამენ

როგორც ხედავთ, სტარკები დანებებას არ აპირებენ! ასე რომ, 14 აპრილს ყველაზე მასშტაბური და სანახაობრივი თავგადასავალი იწყება