ლეგენდარული იტალიელი მსახიობი, 84 წლის სოფია ლორენი არც თუ ისე ხშირად ანებივრებს პრესასა და მაყურებელს საჯარო გამოჩენით.

თუმცა, როდესაც საქმე მის მეგობრებს ეხება, ის ყოველთვის პირველი ჩნდება მათ დასახმარებლად. ზუსტად ისე, როგორც Mary Poppins Returns-ის შემთხვევაში მოხდა.

მსახიობი ლოს-ანჯელესში, ფილმის დახურულ ჩვენებას დაესწრო, რომელიც სპეციალურად ამერიკის კინოაკადემიის წევრებისთვის შედგა. ჩვენების დასრულების შემდეგ კი დისკუსიის წამყვანად მოევლინა დამსწრე საზოგადოებას.

ახალი მერი პოპინსის რეჟისორი რობ მარშალია, რომელიც სოფიასთან 2009 წლიდან მეგობრობს. მას შემდეგ, რაც ლეგენდარულმა იტალიელმა მსახიობმა მის ფილმში Nine ითამაშა.